ॱङो़न्‍पा 17:1 - ॱलोवा

¹ होदे फोरा धी़न हो़गीन नाम्‍खे भाङछेन धी़नने, च्‍यीक ङीचारु फेप्‍ती देरे सुजुङ, “दुरु स्‍योक। ङा ख्‍यो़ला क्षु माङागी डामला धेगीन, होदे श्‍याङचोङमा केटाक्‍क्षेला फोक्‍ये हीन्‍गीन ठीम्‍चो़गो तो़न्‍दु।

ॱङो़न्‍पा 17:1 Iomraidhean Croise

लुका 24:32

खुङ ॱङीउगी च्‍यीकगी च्‍यीकला ॱनेवालाक, “खोङबा होरीमुला लाम्‍गाला कामो़न सुङी घाङला धेनी होराङला को़न्‍क्षोकगी सुङलागी दो़न्‍दाक्‍या टोली घाङला, होरी सेम नाङदु मे भारकीन च्‍योक्‍रे ढोवा माझ्‍युवाले?”

लुका 9:30

धेनी खोङबामुला मी ॱङी, मोशे धाङ एलीया कामो़न सुङी हो़तालाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 15:1

धेनी ङी नाम्‍खे श्‍यीङखामदु, श्‍येम्‍मा ताक क्षे धाङ ॱहाङसागीन च्‍यीक थोजुङ। नाम्‍खे भाङछेन धी़नक्‍याई, थामे दुक्‍पु धी़न खेर हो़तालाक घीझ्‍येरी ॱनाना को़न्‍क्षोकगी थुक्‍ठो़ नी, होदे दुक्‍पुला डुप हो़तालाक।

ॱङो़न्‍पा 16:19

धेनी बाबीलोनगी ग्‍याजा क्षेगो दुबु सुमला गेवालाक धेनी साश्‍यीक्‍याई ग्‍याजाक्‍या धीप्‍पालाक। को़न्‍क्षोकगी बाबीलोन ग्‍याजा क्षेगोला ढेन्‍बालाक धेनी राङगी थुक्‍ठो़गी घुन्‍क्षाङ खाङखा फोरागो, मोला थुङदु च्‍युक जेपालाक।

ॱङो़न्‍पा 18:1

होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।

ॱङो़न्‍पा 19:2

घीझ्‍येरी ॱनाना खोङबागी ठीम्‍चो़ धेन्‍पा धाङ ढाङपो दुक। धेनी साश्‍यी हो़लेला राङगी दो़क्षाकगी ले ङेन्‍पा झ्‍यीरु च्‍युक्‍कीन, होदे केटाक्‍क्षे श्‍याङचोङमागोला, खोङबागी ठीम्‍चो़ जेदुक। धेनी खोङबागी श्‍याप्‍चीक्‍याई ठाकगी छापगो मोला लेन जेदुक।”

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 21:15

धेनी ङाला कामो़न सुङगीन, नाम्‍खे भाङछेनगी क्षाकला ग्‍याजा धाङ होदे घोक्‍या धाङ च्‍यारीगो छे दाप्‍येला, सेरगी थीकस्‍यीङ च्‍यीक हो़तालाक।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”

ॱङो़न्‍पा 4:1

होदे स्‍याम्‍ने, ङी तेवी धेनी नाम्‍खे श्‍यीङखामदु घो च्‍यीक पेरी श्‍याकश्‍या, ङी थोजुङ। धेनी ङी एन्‍योकला घोरका दुङकेकगी केक च्‍योक्‍रेगी़ ङाला देरे सुजुङ, “दुरु याला स्‍योक धेनी दे स्‍याम्‍ने झ्‍युङघोये हीन्‍गीन दो़नक्‍या, ङी ख्‍यो़ला तो़न्‍दु।”