ॱङो़न्‍पा 16:9 - ॱलोवा

⁹ धेनी खुङक्‍या छाबा छा राक्‍ती छीक्‍पालाक धेनी खुङक्‍याई दे दुक्‍पुक्‍याई खाला आङजा हो़गीन, को़न्‍क्षोकगी छेनला कुरवा धेप्‍पालाक। हीना खुङक्‍या राङगी धीक्‍पा पारी, सेम ग्‍युरये धाङ खोङबाला तो़पा पुयेला माङेन्‍बालाक।

ॱङो़न्‍पा 16:9 Iomraidhean Croise

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

२ कोरीन्‍थुपा 12:21

ङा याङ हुङी घाङला, खीकी घुङदु ङी को़न्‍क्षोकगी ङाला ॱमावा जेटु ॱनेरी, ङा जीक्‍ई। धेनी मी माङागी एम्‍मा झ्‍येजा धीक्‍पाक्‍या धाङ खुङक्‍याई झ्‍येजा ॱमेचाङा धाङ लोक्‍येम धाङ दो़छाकने ग्‍यो़पा मीझ्‍यीदा मीग्‍युरकीनगोला, ङा सेम क्‍यो घो़टु।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 14:7

खोङबागी सुङकेक क्षेला सुवालाक, “को़न्‍क्षोकला जीक्‍नाङ झ्‍यी धेनी तो़पा पु घीझ्‍येरी ॱनाना खोङबागी ठीम्‍चो़गी धी़चो़गो ॱलेप्‍दुक। नाम्‍खे श्‍यीङखाम धाङ साश्‍यी धाङ ग्‍याछो धाङ क्षु क्षुमीकक्‍या को़ जेगीन, खोङबाला क्षाक्‍क्षो़पा पु।”

ॱङो़न्‍पा 16:21

धेनी ॱनामने माला कीलो श्‍यीपच्‍यु-श्‍यीपच्‍यु चो़ हो़गीन, सेरा क्षेक्‍या मीक्‍याई खाला भाप्‍पालाक। धेनी सेरा ग्‍याप्‍कीन दुक्‍पुगी झ्‍येरी, मीक्‍याई को़न्‍क्षोकला कुरवा धेप्‍पालाक घीझ्‍येरी ॱनाना दुक्‍पु दे ॱमीच्‍यीकी जीक्‍टाक्षे हो़तालाक।

ॱङो़न्‍पा 2:21

ङी मोला राङगी धीक्‍पा पारी सेम ग्‍युरयेला, धी़चो़ तेरपालाक हीना मो मोरी लोक्‍येमगो पाङयेगी दो़पा मीझ्‍यीदा।

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।