ॱङो़न्‍पा 16:19 - ॱलोवा

¹⁹ धेनी बाबीलोनगी ग्‍याजा क्षेगो दुबु सुमला गेवालाक धेनी साश्‍यीक्‍याई ग्‍याजाक्‍या धीप्‍पालाक। को़न्‍क्षोकगी बाबीलोन ग्‍याजा क्षेगोला ढेन्‍बालाक धेनी राङगी थुक्‍ठो़गी घुन्‍क्षाङ खाङखा फोरागो, मोला थुङदु च्‍युक जेपालाक।

ॱङो़न्‍पा 16:19 Iomraidhean Croise

ॱङो़न्‍पा 11:8

धेनी खुङक्‍याई चोवोला ग्‍याङस्‍यीङ खाला क्‍याङक्‍या, ग्‍याजा हीन्‍गीन ग्‍याजा क्षेगी ॱराङगाकला, खुङक्‍याई रोगो लेरी धेगीलाक। दे ग्‍याजा क्षेला सादोम याङना एजेप ॱनेरी, मीङ ताक हो़तालाक।

ॱङो़न्‍पा 17:1

होदे फोरा धी़न हो़गीन नाम्‍खे भाङछेन धी़नने, च्‍यीक ङीचारु फेप्‍ती देरे सुजुङ, “दुरु स्‍योक। ङा ख्‍यो़ला क्षु माङागी डामला धेगीन, होदे श्‍याङचोङमा केटाक्‍क्षेला फोक्‍ये हीन्‍गीन ठीम्‍चो़गो तो़न्‍दु।

ॱङो़न्‍पा 17:18

ख्‍यी़ थोथा होदे भोमोगो नी, साश्‍यीगी ग्‍यावुक्‍याई खाला वाङग्‍युर झ्‍यीगीन, होदे ग्‍याजा क्षेगो लाक।”

ॱङो़न्‍पा 17:5

धेनी मी़ टाल्‍ले खाला देरे साङवागी दो़न्‍दाक हो़गीन, देरे मीङ ढीक हो़तालाक, “ग्‍याजा क्षे बाबीलोन, साश्‍यीगी श्‍याङचोङमाक्‍या, धाङ आम्‍लोवा दो़नक्‍याई आमा।”

ॱङो़न्‍पा 18:10

मी़ दुक्‍पुगोला जीक्‍ती, खुङक्‍या थाक्‍रीङाला लारी धेती देरे ॱनागीलाक, ‘आच्‍ची! आच्‍ची, ख्‍यो़ ग्‍याजा क्षे, ख्‍यो़ ग्‍याजा वाङक्षे बाबीलोन। छुची च्‍यीक्‍लाराङ ख्‍यो़ला छेपा फोक्‍जुङ!’

ॱङो़न्‍पा 18:2

धेनी होदेगी सुङकेक क्षेला देरे सुवालाक, “मेताला लाजो, ग्‍याजा क्षे बाबीलोनगो मेताला लाजो। मो नी डेक्‍याई ॱनेसा झ्‍युदुक। धेनी सेम्‍ङी ॱमेचाङा ॱनाछोकगी ॱनेसा, धाङ झ्‍या ॱमेचाङा ॱनाछोकगी ॱनेसा, धेनी सेम्‍चेन ॱमेचाङा धाङ आम्‍लोवा ॱनाछोकगी ॱनेसा झ्‍युदुक।

ॱङो़न्‍पा 18:21

धेनी नाम्‍खे भाङछेन तोपक्षे च्‍यीकगी थाकधो क्षे च्‍योक्‍रे, धोगोङ च्‍यीक क्‍याक्‍ती, देरे सुरी ग्‍याछो नाङला ॱयुक्‍जुङ, “ग्‍याजा क्षे बाबीलोनगोला, देरेराङ स्‍युक्‍क्षे झ्‍येरी ॱयुक्‍कीलाक। धेनी होदे धाब्‍ले नामा ॱमेथोङगीलाक।

ॱङो़न्‍पा 18:5

घीझ्‍येरी ॱनाना मी़ धीक्‍पाक्‍या माङा झ्‍युरी, नाम्‍खे श्‍यीङखाम थुक्‍पे ॱलेप्‍दुक, धेनी को़न्‍क्षोकगी मी़ लेगा ङेन्‍पाक्‍या ढेन्‍सो जेदुक।