ॱङो़न्‍पा 16:18 - ॱलोवा

¹⁸ धेनी ॱलोक्‍मार धाङ धीरडा धाङ डुक्‍डाक्‍या थो़न्‍बालाक धेनी सुङगु जीक्‍टाक्षे सोवालाक। साश्‍यीदु मीरीक को़ने ॱहाला, झ्‍युङ माङ्युङगीन सुङगु देरे जीक्‍टाक्षे च्‍यीक सोवालाक।

ॱङो़न्‍पा 16:18 Iomraidhean Croise

मेथा 24:21

घीझ्‍येरी ॱनाना दे धी़ला जीक्‍तेनगी थोक्‍माने धान्‍दा थुक्‍पे झ्‍युङ माङ्युङगीन दुक्‍ङेल क्षे हुङगीलाक। धेनी हुरे दुक्‍पु याङ नामा झ्‍युङगीमालाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 4:5

धेनी होदे श्‍युक्‍ठी नाङने ॱलोक्‍मारगी, हो़क्‍या धाङ धीरडा धाङ डुककेगी डाक्‍या थो़न्‍दी होवालाक। धेनी होदे श्‍युक्‍ठीगी दोङदु मेगी क्‍युङ धी़न भारती धे हो़तालाक। होदेक्‍या नी, को़न्‍क्षोकगी थुक्‍ङी धी़न लाक।

ॱङो़न्‍पा 6:12

धेनी ङी लुक्‍टुगी थेचे ढुक्‍पागो, स्‍यीक्‍कीनगो थोजुङ। धेनी होदुरु सुङगु क्षे च्‍यीक होजुङ। धेनी ङीमा नी, चीरे नाक्‍पो च्‍योक्‍रे धाङ दावा नी, ठाक च्‍योक्‍रे ॱमाउला ग्‍युरपालाक।

ॱङो़न्‍पा 8:5

धेनी नाम्‍खे भाङछेनगी पो़फोरगो खेरती, क्षो़ठीगी मेगी पो़फोरगो कावालाक। धेनी साश्‍यीगी खाला तोरपालाक। धेनी होदुरु डुक्‍डा धाङ केडा धाङ ॱलोक्‍मार थो़न्‍बालाक धेनी सुङगु सोवालाक।