ॱङो़न्‍पा 16:15 - ॱलोवा

¹⁵ “तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 16:15 Iomraidhean Croise

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 26:41

खेक्‍या छो़ताला ॱमाली़वास्‍योक ॱनेरी, ॱङी मालोक्‍वा सोवा ग्‍योप। सेमगो नी डाढीक दुक हीना ली़गो क्‍योवा दुक।”

मारकु 14:38

छो़ताला मास्‍योरास्‍योक ॱनेरी, माङ्या सोवा ग्‍योप। खेक्‍याई सेम डाढीक दुक हीना ली़ क्‍योवा दुक।”

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

२ कोरीन्‍थुपा 5:3

घीझ्‍येरी ॱनाना होदे घो़न्‍दी होराङ ॱमाराङा हुङगीमालाक।

१ थेसालोनीकेपा 5:4

हीना खे पी़नक्‍या मी़नाक्‍पाला मेधेगीन झ्‍येरी, चोवोगी ङीमा दे कुमा च्‍योक्‍रे हुङना खेक्‍या ॱहा मेलेगीलाक।

१ थेसालोनीकेपा 5:6

होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

ॱङो़न्‍पा 22:7

येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।