ॱङो़न्‍पा 16:14 - ॱलोवा

¹⁴ देक्‍या नी ॱहालेवा ताकक्‍या तो़न्‍गीन डेगी सेम्‍ङीक्‍या लाक। कुवाङ को़न्‍क्षोकगी ङीमा खाक्‍क्षेगोला, ॱमाक टाप्‍येगी क्षीदु दे, सेम्‍ङीक्‍या जाम्‍बुलीङ घीरीगी ग्‍यावुक्‍या चारु सोरी खुङक्‍याला रुप्‍पालाक।

ॱङो़न्‍पा 16:14 Iomraidhean Croise

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

लुका 2:1

होदी घाङला, ग्‍यावु केसार उगास्‍तोगी रोमा ग्‍याखाप घीरीगी मीमाङक्‍याला, मीङ थो ग्‍याप्‍येला का तेरपालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 1:8

धाङपोगो येशु मास्‍यीकागी थोक्‍ने, ङी को़न्‍क्षोकला ङा खे घीरीगी क्षीदु काटीन्‍क्षे श्‍युवाहीन घीझ्‍येरी ॱनाना जीक्‍तेन घीरीदु, खीकी धेपागी कोरला ख्‍याप्‍दुक।

२ थेसालोनीकेपा 2:9

ठीमने डागीन मी दे धी़कगी वाङने होरी, शोक्‍पो ताकक्‍या धाङ ॱहाङसागीन लेगाक्‍या

१ तीमोथेउ 4:1

स्‍यामगी धी़ला मी रीङगा ॱली़गीन सेम्‍ङीक्‍या धाङ डेगी क्षो़ला तेन्‍दी, राङगी धेपा पाङगीलाक सुरी, धाम्‍पे थुक्‍ङीगी सायेरे सुङ हो़तालाक।

याकोब 3:15

देरे स्‍येराप नी, को़न्‍क्षोकने मालाक हीना दे नी, जीक्‍तेन धाङ स्‍याठाक धाङ धी़गी स्‍येराप लाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:3

होदे सेम्‍चेनगी गोवाक्‍याने च्‍यीकला, ॱमा छाप्‍क्षे च्‍योक्‍रे च्‍यीक थोङी हीना ॱमागो सो़री लाजुङ। धेनी जीक्‍तेन हो़ले ॱहालेरी, होदे सेम्‍चेनगी स्‍याबाला डावालाक।

ॱङो़न्‍पा 16:16

धेनी खुङक्‍याई ग्‍यावुक्‍याला, ईब्‍रीपा केकला हार-मागेधोन ॱनागीन साजारु रुप्‍पालाक।

ॱङो़न्‍पा 16:7

धेनी क्षो़ठीने देरे सुङगीनगो, ङी घोरजुङ, “लाक, के चोवो कुवाङ को़न्‍क्षोक, खेराङगी ठीम्‍चो़ नी धेन्‍पा धाङ ढाङपो दुक।”

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 20:8

धेनी साश्‍यीगी छोक श्‍यीगाराला हो़गीन, मीरीकक्‍या याङना गोग धाङ मागोगक्‍याला ॱली़ये धाङ ॱमाकगी क्षीदु रुक्‍येला, होदे सातान थो़न्‍दी हुङगीलाक। धेनी खुङक्‍याई ढाङगा ग्‍याछोगी भेमा च्‍योक्‍रे हुङगीलाक।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।

ॱङो़न्‍पा 6:17

घीझ्‍येरी ॱनाना खोङबाक्‍याई थुक्‍ठो़गी ङीमा क्षेगो ॱलेप्‍दुक धेनी होदे ङीमाला सु लाङ थुक्‍कीलाक से?”