ॱङो़न्‍पा 16:11 - ॱलोवा

¹¹ धेनी खोराङक्‍याई शुक धाङ ॱमागी झ्‍येरी, नाम्‍खे श्‍यीङखामगी को़न्‍क्षोकला कुरवा धेप्‍पालाक हीना राङगी झ्‍येजा लेङेनक्‍या पारी सेम ग्‍युरवा ॱमातावालाक।

ॱङो़न्‍पा 16:11 Iomraidhean Croise

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 16:2

धेनी नाम्‍खे भाङछेन धाङपोगो सोरी, राङगी फोरागो साश्‍यी खाला पो़वालाक। धेनी सेम्‍चेनगी ताक हो़गीन धाङ होदेगी कुला क्षाक्‍क्षो़पा पुगीन, मी घीरीला जीक्‍टाक्षे धाङ शुकक्षे ग्‍याप्‍कीन ॱमा थो़न्‍बालाक।

ॱङो़न्‍पा 16:21

धेनी ॱनामने माला कीलो श्‍यीपच्‍यु-श्‍यीपच्‍यु चो़ हो़गीन, सेरा क्षेक्‍या मीक्‍याई खाला भाप्‍पालाक। धेनी सेरा ग्‍याप्‍कीन दुक्‍पुगी झ्‍येरी, मीक्‍याई को़न्‍क्षोकला कुरवा धेप्‍पालाक घीझ्‍येरी ॱनाना दुक्‍पु दे ॱमीच्‍यीकी जीक्‍टाक्षे हो़तालाक।

ॱङो़न्‍पा 16:9

धेनी खुङक्‍या छाबा छा राक्‍ती छीक्‍पालाक धेनी खुङक्‍याई दे दुक्‍पुक्‍याई खाला आङजा हो़गीन, को़न्‍क्षोकगी छेनला कुरवा धेप्‍पालाक। हीना खुङक्‍या राङगी धीक्‍पा पारी, सेम ग्‍युरये धाङ खोङबाला तो़पा पुयेला माङेन्‍बालाक।

ॱङो़न्‍पा 2:21

ङी मोला राङगी धीक्‍पा पारी सेम ग्‍युरयेला, धी़चो़ तेरपालाक हीना मो मोरी लोक्‍येमगो पाङयेगी दो़पा मीझ्‍यीदा।