ॱङो़न्‍पा 15:1 - ॱलोवा

¹ धेनी ङी नाम्‍खे श्‍यीङखामदु, श्‍येम्‍मा ताक क्षे धाङ ॱहाङसागीन च्‍यीक थोजुङ। नाम्‍खे भाङछेन धी़नक्‍याई, थामे दुक्‍पु धी़न खेर हो़तालाक घीझ्‍येरी ॱनाना को़न्‍क्षोकगी थुक्‍ठो़ नी, होदे दुक्‍पुला डुप हो़तालाक।

ॱङो़न्‍पा 15:1 Iomraidhean Croise

ॱङो़न्‍पा 10:3

धेनी सीङगेगी ङारके च्‍योक्‍रे, खोङगी सुङकेक क्षेला भो़वालाक। धेनी खोङगी भो़टाकगी स्‍याम्‍ने, डुक्‍के धी़नगी केक ग्‍याप्‍जुङ।

ॱङो़न्‍पा 11:14

धा दुक्‍पु ॱङीवागो जोक्‍पालाक। धेनी दुक्‍पु सुम्‍बागो ग्‍योक्‍वा हुङी हो़तालाक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।

ॱङो़न्‍पा 14:19

होझ्‍येरी होदे नाम्‍खे भाङछेनगी राङगी शोरा साश्‍यीगी खाला ग्‍याप्‍पालाक धेनी साश्‍यीगी घुन्‍डुमक्‍या रुक्‍पालाक। धेनी को़न्‍क्षोकगी थुक्‍ठो़गी घुन्‍क्षाङ चीरसा, श्‍योङ क्षे नाङदु ॱयुक्‍पालाक।

ॱङो़न्‍पा 16:1

धेनी क्षो़खाङ नाङने, सुङकेक क्षे च्‍यीकगी, नाम्‍खे भाङछेन धी़नला देरे सुङगीनगो ङी घोरजुङ, “खेक्‍या सोङ धेनी को़न्‍क्षोकगी थुक्‍ठो़गी फोरा धी़नगो साश्‍यी खाला पो़।”

ॱङो़न्‍पा 17:1

होदे फोरा धी़न हो़गीन नाम्‍खे भाङछेन धी़नने, च्‍यीक ङीचारु फेप्‍ती देरे सुजुङ, “दुरु स्‍योक। ङा ख्‍यो़ला क्षु माङागी डामला धेगीन, होदे श्‍याङचोङमा केटाक्‍क्षेला फोक्‍ये हीन्‍गीन ठीम्‍चो़गो तो़न्‍दु।

ॱङो़न्‍पा 19:15

मीरीकक्‍याला ग्‍याप्‍येगी क्षीला, खोङबागी श्‍यालने राल्‍डी ॱनोवा च्‍यीक थो़न्‍दी धेनी खोङबागी च्‍याकगी भेक्‍योकगी थोक्‍ने, खुङक्‍या खाला वाङग्‍युर जेगीलाक। धेनी घुन्‍क्षाङ चीरसा श्‍योङ नाङने खोवा तो़न्‍गीन च्‍योक्‍रे, खोङबागी कुवाङ को़न्‍क्षोकगी थुक्‍ठो़गी नाङ खुङक्‍याला चीरकीलाक।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”

ॱङो़न्‍पा 8:13

धेनी ङी तेवी धेनी ॱनामला फुरती ग्‍युक्‍कीन, ॱलाक च्‍यीक केक क्षेला, देरे ॱनागीनगो ङी घोरजुङ, “धा नाम्‍खे भाङछेन श्‍येम्‍मा सुमगी भी़ये हीन्‍गीन दुङक्षेनगी दुङकेकगी झ्‍येरी, जीक्‍तेनगी मीक्‍याला ॱङ्यावाली, ॱङ्यावाली, ॱङ्यावाली!”

ॱङो़न्‍पा 8:2

धेनी को़न्‍क्षोकगी डुङदु श्‍युक्‍कीन नाम्‍खे भाङछेन धी़नगो, ङी थोजुङ। धेनी खुङक्‍याला दुङक्षेन धी़न ॱनाङजुङ।

ॱङो़न्‍पा 8:6

धेनी दुङक्षेन धी़न हो़गीन नाम्‍खे भाङछेन धी़न्‍बोगोक्‍या, होदेक्‍या भी़येला डाढीक झ्‍युवालाक।

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।