ॱङो़न्‍पा 14:4 - ॱलोवा

⁴ खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 14:4 Iomraidhean Croise

मेथा 19:12

घीझ्‍येरी ॱनाना रीङगा केने ॱहालाराङ ङ्युकरुम झ्‍येरी केलालाक धेनी रीङगाला मीगी ङ्युकरुम शोवालाक धेनी रीङगा नाम्‍खे ग्‍यासीगी क्षीला राङगी राङला ङ्युकरुम शोलालाक। दे का दे लेन थुप्‍कीनगी़, दे खे लेन्‍दास्‍योक।”

मेथा 25:1

येशुगी सुवालाक, “धेनी नाम्‍खे ग्‍यासी दे माक्‍पा थुक्‍तु डोयेला, क्‍युङ खेरती डुगीन भोमो नाच्‍युङमा च्‍यु च्‍योक्‍रे लाक।

मेथा 8:19

क्षो़ठीमगी ॱलोपो़न च्‍यीक खोङबागी डुङदु होरी श्‍यी़वालाक, “गेन्‍ला, खेराङ घारु फेप्‍ना, ङा खेराङगी स्‍याम्‍ला डायेहीन।”

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 13:37

पेटोगी खोङबाला श्‍यी़वालाक, “चोवो, धान्‍दा ङा घीझ्‍येरी खेराङगी स्‍याम्‍ला डा ॱमीथुक्‍कीले? खेराङगी दो़न्‍दु ङी ङारी ॱरोक ॱलो़ ताङ थुक्‍वा।”

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ कोरीन्‍थुपा 16:15

पी़नक्‍याओ, सेतेफानगी नाङमी नी आकाईयादु धेपा झ्‍यीगीन धाङस्‍योकगो लाक धेनी खुङक्‍याई धाम्‍पे मीक्‍याई श्‍याप्‍तोक पुयेगी क्षीदु राङला फी़ हो़तालाक ॱनेरी, खेक्‍याई स्‍येलालाक।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

१ कोरीन्‍थुपा 7:28

हीना ख्‍यी़ ॱनामा लेन्‍ना, ख्‍यी़ धीक्‍पा ॱमासाक हो़तालाक। धेनी नाच्‍युङमा च्‍यीक ॱनामाला डोना, मी़ धीक्‍पा ॱमासाक हो़तालाक। घीहीन्‍ना, ॱनामा लेन्‍गीनक्‍याई दे मीछेला दुक्‍पु माङा ठेगीलाक धेनी ङा खेक्‍याला होदेने क्‍योप्‍ङी दो़दी।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 5:27

देरे जेदी क्षो़छोकगो ॱमेवा धाङ ॱङीमा मेगीन याङना देरे क्‍यो़न घीया मेगीन हीना धाम्‍पा धाङ क्‍यो़न मेता, ॱमीच्‍यीकी शीजेक्षेगी गोने राङगी डुङदु पुयेला लाक।

१ तीमोथेउ 4:3

देरे मीक्‍याई ॱनामा लेन्‍ये मेतालाक धेनी शामा ॱना रीङगा शाये मेतालाक ॱनेरी ॱनागीलाक। हीना धेपा झ्‍यीगीनक्‍या धाङ धेन्‍पा ॱहाघोकीनक्‍याई काटीन्‍क्षे श्‍यी़री लेन्‍येला, को़न्‍क्षोकगी शामा देक्‍या को़ जेपालाक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 21:22

धेनी ङी होदे ग्‍याजा नाङदु क्षो़खाङ ॱमाथोजुङ घीझ्‍येरी ॱनाना चोवो कुवाङ को़न्‍क्षोक धाङ लुक्‍टु, खोङबाक्‍याराङ होदेगी क्षो़खाङ लाक।

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।

ॱङो़न्‍पा 3:4

“हीना सारतीरु राङगी घोलाक ॱमेचाङा माशो़सा, मी तीते रे दुक। खुङक्‍या ङीमुला घो़ काउ घो़न्‍दी ग्‍युक्‍कीलाक घीझ्‍येरी ॱनाना खुङक्‍याला देरे झ्‍यीये खाये दुक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।