ॱङो़न्‍पा 14:3 - ॱलोवा

³ धेनी को़न्‍क्षोकगी श्‍युक्‍ठी धाङ होदे सेम्‍चेन श्‍यी धाङ ॱलोपो़नक्‍याई दोङदु, खुङक्‍याई ॱलु साबा च्‍यीक पुवालाक। धेनी साश्‍यीने रीङ तेरती ॱली़ला, मी बुम च्‍यीक धाङ श्‍यीपच्‍यु श्‍येवीक्‍या माना, श्‍येम्‍मा सी़या होदे ॱलुगो झाङ ॱमाथुक्‍पालाक।

ॱङो़न्‍पा 14:3 Iomraidhean Croise

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

ॱङो़न्‍पा 14:1

धा ङी तेवी। धेनी लुक्‍टुगो सीयोनगी रीला श्‍याङदी श्‍युक्‍कीन धाङ खोङमुला मी बुम च्‍यीक धाङ तोङ श्‍यीपच्‍यु श्‍येवीगो थोजुङ। खुङक्‍याई टाल्‍लेला खोङबागी छेन धाङ खोङबागी यापगी छेन ढीक्‍दुक।

ॱङो़न्‍पा 15:3

धेनी खुङक्‍याई को़न्‍क्षोकगी श्‍याप्‍ची, मोशे धाङ लुक्‍टुगी घुरलु दे लेन्‍बालाक, “के चोवो, कुवाङ को़न्‍क्षोकला, खेराङगी क्षाक्‍ले नी क्षे धाङ ॱहालेगीन दुक। के मीरीकक्‍याई ग्‍यावु, खेराङगी लाम नी ढाङपो धाङ धेन्‍पा दुक।

ॱङो़न्‍पा 2:17

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला ङा बेरी श्‍याकश्‍या ॱमान्‍नागो तेरयेहीन। धेनी होदेला ङा मीङ साबा ढीक्‍टा, धो काउ च्‍यीक तेरयेहीन। होदे थोप्‍कीनगी़ च्‍यीगा होदे मीङ स्‍येगीलाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।

ॱङो़न्‍पा 7:4

धेनी ङी थेचे ग्‍याप सासाक्‍याई ढाङगागो घोरजुङ। खुङक्‍या बुम च्‍यीक धाङ तोङ श्‍यीपच्‍यु श्‍येवी दुक। धेनी खुङक्‍या ईस्‍राएल्‍पा भी़टुकक्‍याई, ग्‍युपा हो़लेने दुक।