ॱङो़न्‍पा 14:2 - ॱलोवा

² धेनी नाम्‍खे श्‍यीङखामने ग्‍युक्‍क्षु क्षेगी हुरडा धाङ डुक्‍डा क्षेगी केक च्‍योक्‍रे, थो़न्‍गीन सुङकेक च्‍यीक ङी घोरजुङ। ङी घोरका सुङकेक दे, पीवाङ ताङगीनक्‍याई पीवाङ ताङगीन ढा च्‍योक्‍रे दुक।

ॱङो़न्‍पा 14:2 Iomraidhean Croise

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 1:15

खोङबागी श्‍याप नी, मेथाप नाङ हो़ ठाछाई झ्‍येजा लीदीङ च्‍योक्‍रे धाङ खोङबागी सुङकेक नी, क्षु चाङबुगी हुरडा च्‍योक्‍रे दुक।

ॱङो़न्‍पा 11:12

धेनी नाम्‍खे श्‍यीङखामने, खुङक्‍याला देरे सुङगीन सुङकेक क्षे च्‍यीक, खुङक्‍याई घोरपालाक, “दुरु याला स्‍योक।” धेनी खुङक्‍या नाम्‍खे श्‍यीङखाम स्‍योकला, ॱरीङबा नाङला फेप्‍पालाक धेनी खुङक्‍याई डाक्‍याई खुङक्‍याला तेरी धेबालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 15:2

धेनी मे मुला डेडा, स्‍येगी ग्‍याछो च्‍योक्‍रे च्‍यीक ङी थोजुङ। धेनी ग्‍याछोगी डामदु सेम्‍चेन धाङ होदेगी कु धाङ होदेगी मीङगी ढाङगा खाला ग्‍याखा थोप्‍थाक्‍या, राङगी लाक्‍पाला को़न्‍क्षोकगी ॱनाङना पीवाङ खेरती लारी धेदुक।

ॱङो़न्‍पा 18:22

पीवाङ ताङगीन धाङ ॱलु लेन्‍गीन धाङ ॱलीङबु ताङगीन धाङ दुङक्षेन भी़गीनक्‍याई डाक्‍या, ख्‍यी़ नाङदु याङ नामा मेघोरकीलाक। शोरीक घीन्‍गीया शोपाक्‍या, ख्‍यी़ नाङदु याङ नामा ॱमेङेगीलाक। थाकधोगी केक, ख्‍यी़ नाङदु याङ नामा मेघोरकीलाक।

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।

ॱङो़न्‍पा 6:1

धेनी लुक्‍टुगी़ होदे थेचे धी़नक्‍याने च्‍यीक स्‍यीक्‍कीनगो, ङी थोङी घाङला सेम्‍चेन श्‍यीक्‍याने च्‍यीकगी, डुक दीरकीन च्‍योक्‍रे केकला “स्‍योक” ॱनागीनगो, ङी घोरजुङ।

ॱङो़न्‍पा 8:7

नाम्‍खे भाङछेन धाङपोगी़ राङगी दुङक्षेनगो भी़वालाक धेनी होदुरु ठाक ॱरेरा सेरा धाङ मे साश्‍यीगी खाला भाप्‍पालाक। धेनी साश्‍यीगी दुबु सुमने च्‍यीक धाङ स्‍यीङदोङक्‍याई, दुबु सुमने च्‍यीक धाङ चा ॱङोम्‍पो घीरी मेगी छीक्‍पालाक।