ॱङो़न्‍पा 14:15 - ॱलोवा

¹⁵ धेनी नाम्‍खे भाङछेन श्‍येम्‍मा च्‍यीक क्षो़खाङ नाङने फेप्‍ती, ॱरीङबा खाला श्‍युक्‍कीनगोला सुङकेक क्षेगी सुवालाक, “खेराङगी शोरा ॱनुमा जे धेनी ॱङारोक जे घीझ्‍येरी ॱनाना साश्‍यीगी लोदोक घीरी छो़ सारसा झ्‍येरी, लोदोक ॱङायेगी धी़चो़ भाप्‍दुक।”

ॱङो़न्‍पा 14:15 Iomraidhean Croise

मेथा 13:30

तो़न धुगीन थुक्‍पे होदे ॱङीगाराला छारतु च्‍युक धेनी तो़न दुली घाङला ङा ॱङीमा ॱङागीनक्‍याला एन्‍ला युक्‍पुक्‍या पीरी, मेला ॱराक्‍येला कीलीक दोम हीना ढोक्‍या ङी डुखाङदु धी़ ॱनेरी ॱनायेहीन।’”

मेथा 13:39

धेनी युक्‍पु ताप्‍कीन डागो धी़क लाक। लोदोक धुगीन धी़चो़गो थागी धी़चो़ लाक। धेनी ॱङागीनक्‍या नाम्‍खे भाङछेनक्‍या लाक।

मेथा 23:32

धा खीकी फामाक्‍याई गो चुक्‍कीन लेगागो, खेक्‍या छारतु चुक!

मारकु 4:29

धेनी लोदोकगो छो़लुङ मेताला, खी़ चेमा ॱङागीलाक घीझ्‍येरी ॱनाना तो़न धुगीन धी़चो़गो ॱलेप्‍सालाक।”

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 13:12

होदेगी सेम्‍चेन धाङपोगी छापला, खी़ वाङ घीरी भो़चे झ्‍यीदालाक धेनी साश्‍यी धाङ दुरु हो़गीन घीरीला, ॱमा छाप्‍क्षे सो़सागो सेम्‍चेन धाङपोगोला, क्षाक्‍क्षो़पा पुरु च्‍युक्‍वालाक।

ॱङो़न्‍पा 14:14

धेनी ङी तेवी। धेनी ॱरीङबा काउ च्‍यीक धाङ होदेगी खाला मी-भु च्‍योक्‍रे श्‍युक्‍कीन च्‍यीक, ङी ज्‍याजुङ। खोङगी उला सेरगी चो़पेन धाङ खोङगी क्षाकला शोरा ॱनोवा च्‍यीक दुक।

ॱङो़न्‍पा 14:16

होझ्‍येरी ॱरीङबा खाला श्‍युक्‍कीनगी राङगी शोरा साश्‍यी खाला ग्‍यावा जेपालाक धेनी साश्‍यीगी तो़न धी़वालाक।

ॱङो़न्‍पा 14:17

धेनी नाम्‍खे श्‍यीङखामदु हो़गीन, क्षो़खाङने नाम्‍खे भाङछेन श्‍येम्‍मा च्‍यीक फेप्‍जुङ धेनी खोङबालाः शोरा ॱनोवा च्‍यीक दुक।

ॱङो़न्‍पा 14:18

धेनी क्षो़ठीगी मेगी तादोक जेगीन, नाम्‍खे भाङछेन श्‍येम्‍मा च्‍यीक क्षो़ठी नाङने फेप्‍जुङ। धेनी शोरा ॱनोवा हो़गीन, नाम्‍खे भाङछेनगोला सुङकेक क्षेला सुजुङ, “ख्‍यो़री शोरा ॱनोवागो ग्‍योप धेनी साश्‍यीगी घुन्‍डुमगी छाक्‍पाक्‍या रुक घीझ्‍येरी ॱनाना साश्‍यीगी घुन्‍डुम घीरी छो़सादुक।”

ॱङो़न्‍पा 15:6

होदे क्षो़खाङ नाङने, नाम्‍खे भाङछेन धी़न दुक्‍पु धी़न खेरती फेप्‍जुङ। खुङक्‍याई घो़ चाङमा धाङ हो़ ग्‍याप्‍कीन धेनी ढाङगोला सेरगी कुराक ॱनुम हो़तालाक।

ॱङो़न्‍पा 16:17

धेनी नाम्‍खे भाङछेन धी़न्‍बागी़ राङगी फोरागो, ॱलुङला पो़वालाक। धेनी क्षो़खाङगी श्‍युक्‍ठीने, सुङकेक क्षे च्‍यीकगी देरे सुवालाक, “धा जोक्‍सो।”

ॱङो़न्‍पा 6:10

खुङक्‍याई के ग्‍याप्‍ती देरे ॱनेवालाक, “के कुवाङ को़न्‍क्षोक, धाम्‍पा धाङ धेन्‍पा ला, खेराङगी जीक्‍तेनदु हो़गीन मीक्‍याला नाम ठीम्‍चो़ जेये धेनी हीकी ॱरोक लेन्‍गीनक्‍याला नाम डास्‍या लेन्‍दा जेये?”