ॱङो़न्‍पा 14:14 - ॱलोवा

¹⁴ धेनी ङी तेवी। धेनी ॱरीङबा काउ च्‍यीक धाङ होदेगी खाला मी-भु च्‍योक्‍रे श्‍युक्‍कीन च्‍यीक, ङी ज्‍याजुङ। खोङगी उला सेरगी चो़पेन धाङ खोङगी क्षाकला शोरा ॱनोवा च्‍यीक दुक।

ॱङो़न्‍पा 14:14 Iomraidhean Croise

मेथा 13:30

तो़न धुगीन थुक्‍पे होदे ॱङीगाराला छारतु च्‍युक धेनी तो़न दुली घाङला ङा ॱङीमा ॱङागीनक्‍याला एन्‍ला युक्‍पुक्‍या पीरी, मेला ॱराक्‍येला कीलीक दोम हीना ढोक्‍या ङी डुखाङदु धी़ ॱनेरी ॱनायेहीन।’”

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मारकु 4:29

धेनी लोदोकगो छो़लुङ मेताला, खी़ चेमा ॱङागीलाक घीझ्‍येरी ॱनाना तो़न धुगीन धी़चो़गो ॱलेप्‍सालाक।”

लुका 21:27

धेनी खुङक्‍याई ॱरीङगी खाला मी-भु, वाङ धाङ शीजेक्षेगी थोक्‍ने फेप्‍कीनगो ज्‍यागीलाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

ॱङो़न्‍पा 1:13

धाङ होदे क्‍युङक्‍याई खोकला मी-भु च्‍योक्‍रे, मी च्‍यीक श्‍याप थुक्‍पे नाशा ॱनुम्‍ना धाङ कुडाङला सेरगी कुराक ॱनुम्‍ना च्‍यीक, ङी ज्‍याजुङ।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 10:1

धेनी ङी नाम्‍खे श्‍यीङखामने श्‍येम्‍मा आङक्षे नाम्‍खे भाङछेन च्‍यीक, भाप्‍ती फेप्‍कीनगो थोजुङ। खोङ नी, ॱरीङबागी तुम्‍दा धाङ खोङगी उला जा हो़तालाक। धेनी खोङगी श्‍यालगो ङीमा च्‍योक्‍रे, धाङ श्‍यापक्‍या नी मेगी कावा च्‍योक्‍रे हो़तालाक।

ॱङो़न्‍पा 11:17

सुवालाक, “धान्‍दा श्‍युक हो़गीन धाङ एम्‍मा श्‍युक ङ्युङ हो़गीन धाङ चोवो कुवाङ को़न्‍क्षोक ला, हेक्‍या खेराङला काटीन्‍क्षे श्‍युवाहीन। घीझ्‍येरी ॱनाना खेराङगी राङगी वाङ क्षेगो श्‍येला जेदी, वाङग्‍युर जेयेगो चुक जेपालाक।

ॱङो़न्‍पा 19:12

खोङबागी चेन नी, मेचे च्‍योक्‍रे दुक धेनी खोङबागी उला चो़पेन माङा दुक। खोङबागी खाला छेन च्‍यीक ढीक दुक। धेनी होदे छेन दे, खोङबाराङगी माना श्‍येम्‍मा सुला स्‍येये मेतालाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 6:2

धेनी ङी याला तेरी, होदुरु ता काउ च्‍यीक थोजुङ। होदे खाला श्‍यो़न्‍गीनमुला दा च्‍यीक दुक धेनी होदेला चो़पेन च्‍यीक तेरजुङ धेनी होदेला ग्‍यागा थोप्‍ती, धोराङा ग्‍यागा थोप्‍येला थो़न्‍बालाक।