ॱङो़न्‍पा 14:13 - ॱलोवा

¹³ धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 14:13 Iomraidhean Croise

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 16:9

ङा खेक्‍याला ॱनाहीन ख्‍यो़री क्षीला जीक्‍तेनगी ग्‍युनोर भो़चे झ्‍येरी रोवाक्‍या शो़ धेनी होदे ग्‍युक्‍या जोक्‍साना, खुङक्‍याई ख्‍यो़ला थामेगीन ॱनेसाला सुगीलाक।

रोमापा 14:8

धेनी होराङ छोवा क्‍याना, चोवोगी क्षीदु छोवा क्‍यालालाक धेनी स्‍यीये हीन्‍ना, चोवोगी क्षीदुराङ होराङ स्‍यीलालाक। होझ्‍येरी होराङ छोवा क्‍याना याङना स्‍यीना, होराङ चोवोगीराङ लाक।

१ कोरीन्‍थुपा 15:18

धा देरे हीन्‍ना मास्‍यीकाला धेपा झ्‍येरी, ढोटोवाक्‍या मेताला सोवालाक।

१ कोरीन्‍थुपा 15:20

हीना मास्‍यीका ॱङोन्‍नेराङ छीवाने कुसो़न्‍पो श्‍याङा जेपालाक धेनी खोङ नी, ढोरी सोसाक्‍याने सो़न्‍गीन ढेबु धाङपोगो लाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

१ थेसालोनीकेपा 4:14

घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

१ तीमोथेउ 5:24

मी रीङगागी धीक्‍पाक्‍या ठीम चेयेगी एन्‍लाराङ, ॱङो़सुमदु सावो थोङालाक हीना श्‍येम्‍माक्‍याई धीक्‍पाक्‍या स्‍याम्‍ला च्‍यीका थोङालाक।

१ तीमोथेउ 5:25

देरे झ्‍येरीराङ ले शाङाक्‍या सावो थोङालाक धेनी ॱङो़न्‍सुमदु ॱमेथोङगीनक्‍या बेरी, श्‍याक ॱमीथुक्‍कीलाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 10:4

धेनी होदे डुक्‍के धी़नगी केक ग्‍यावाराङ, ङी होदे ढीक्‍कु झ्‍येवी हीना नाम्‍खे श्‍यीङखामने देरे सुङगीन सुङकेक च्‍यीक ङी घोरजुङ, “होदे डुक्‍के धी़नगी सुङकेकगो ख्‍यी़ माढीक्‍वा, साङवा स्‍योक।”

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 16:17

धेनी नाम्‍खे भाङछेन धी़न्‍बागी़ राङगी फोरागो, ॱलुङला पो़वालाक। धेनी क्षो़खाङगी श्‍युक्‍ठीने, सुङकेक क्षे च्‍यीकगी देरे सुवालाक, “धा जोक्‍सो।”

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 20:6

ॱलार सो़न्‍पो धाङपो झ्‍युङगीनक्‍या झ्‍यीलाप क्षे धाङ धाम्‍पा लाक। खुङक्‍याला छीवा ॱङीवागी वाङ झ्‍यी ॱमीथुक्‍कीलाक हीना खुङक्‍या को़न्‍क्षोक धाङ मास्‍यीकागी क्षो़पो़न झ्‍युरी, मास्‍यीकामुला लो च्‍यीकतोङ थुक्‍पे वाङग्‍युर झ्‍यीगीलाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।