12 दे नी को़न्क्षोकगी का ॱरुङगीन धाङ येशुला धेपा झ्यीगीन धाम्पे मीक्याई क्षीदु, शो़पागी भो़टाक लाक।
ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।
धेनी को़न्क्षोकगी काठीमक्या होरी ॱरुङना, होरी खोङबाला ङो स्येलालाक ॱनेरी ॱहाघोवालाक।
धेनी होदे डुकगो होदे भोमोमुला खोङडो लावालाक धेनी मी़ टुवा श्येम्माक्यामुला टाप्तु सोवालाक। याङना को़न्क्षोकगी का ॱरुङगीनक्या धाङ येशुगी पाङपो झ्यीगीनक्यामुला टाप्तु सोवालाक।
“चो़नदु डो घोगीनक्या चो़नदुराङ डुगीलाक, धेनी राल्डीगी सेये हीन्गीनक्या राल्डीने राङ सेगीलाक।” दे नी को़न्क्षोकगी मीक्याई क्षीदु, शो़पा धाङ धेपागी भो़टाक च्यीक लाक।
धी़क सातानगी ठी हो़जारु खेक्या ॱनेलालाक ॱनेरी, ङाला स्येयेहो़क। देरे हीन्नाः, खेक्या ङी मीङगी दो़न्दु तेन्पो ॱनेलालाक। धेनी धी़क सातान ॱनेसा, खीकी ग्याजारु ङी ॱलोते हो़गीन पाङपो आन्तीपागोला सेपालाक धेनी होदे घाङगी ङीमाक्यालाः, खेक्याई राङगी धेपा ॱमापाजुङ।
खेक्याई शो़पा झ्यीघो़गीन ङी कागो ॱरुङरोवा झ्येरी, ङा ख्यो़ला साश्यीदु हो़गीन मी घीरीला छो़ता झ्यीयेला, जाम्बुलीङदु हुङये हीन्गीन होदे छो़तागी धी़चो़ने क्योप्येहीन।
ख्यी़ लेगाक्या ङाला स्येयेहो़क। तो़दाङ, ख्यी़ दोङदु सी़याः ग्याप ॱमीथुक्कीन, घो ङी पेरी श्याक हो़क। धेनी ख्यो़ला तोपस्युक च्यीमे हो़गीनगो ङाला स्येयेहो़क। घीहीन्ना ख्यी़ ङी कागो ॱरुङदुक धेनी ङी मीङ ॱमापादुक।