ॱङो़न्‍पा 14:11 - ॱलोवा

¹¹ धेनी खुङक्‍याई दुक्‍पु ङ्याङगीनगी धी़बागो, धी़ तेनगी क्षीदु याला डुगीलाक। धेनी होदे सेम्‍चेन धाङ होदेगी कुला क्षाक्‍क्षो़पा पुगीन धाङ होदेगी मीङगी ताकगो थोप्‍थाक्‍याला, ङीन-छेन ङासुये राक्‍कुमालाक।”

ॱङो़न्‍पा 14:11 Iomraidhean Croise

मेथा 11:28

“ख्‍ये थाङ क्षेछा धाङ खु क्षेगी ॱनेम्‍दी धेता घीरी ङीचारु स्‍योक, ङी खेक्‍याला ङासु तेरु।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

ईब्‍रीपा 1:8

हीना सेगी कोरला खोङबा देरे सुङालाक, “के को़न्‍क्षोक खेराङगी श्‍युक्‍ठी, धी़ तेन्‍दु ॱनेलालाक धेनी खेराङगी राङगी ग्‍यासी, ठीम ढाङपो गोने ठीम चेदालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 13:12

होदेगी सेम्‍चेन धाङपोगी छापला, खी़ वाङ घीरी भो़चे झ्‍यीदालाक धेनी साश्‍यी धाङ दुरु हो़गीन घीरीला, ॱमा छाप्‍क्षे सो़सागो सेम्‍चेन धाङपोगोला, क्षाक्‍क्षो़पा पुरु च्‍युक्‍वालाक।

ॱङो़न्‍पा 13:15

धेनी होदे कुगो लाब ताङ थुक्‍कीन झ्‍युङये धाङ होदेला क्षाक्‍क्षो़पा ॱमीपुगीन घीरी सेदु च्‍युक्‍येगी क्षीला, होदे सेम्‍चेन धाङपोगी कुला उप तेरयेगी नी़थु, होदे सेम्‍चेन ॱङीवागोला तेर हो़तालाक।

ॱङो़न्‍पा 13:17

धेनी होदे ताक दे मेताला सी़या ङ्यो-चोङ झ्‍यी ॱमेछोक्‍वालाक। होदे ताकगो, होदे सेम्‍चेन धाङपोगी मीङ याङना होदेगी मीङगी ढाङगा लाक।

ॱङो़न्‍पा 14:9

धेनी नाम्‍खे भाङछेन सुम्‍बागो, होदेक्‍याई स्‍याम्‍ला डारी सुङकेक क्षेला देरे सुजुङ, “होदे सेम्‍चेन धाङ होदेगी कुला क्षाक्‍क्षो़पा पुये धाङ होदेगी ताकगो, राङगी टाल्‍ले याङना लाक्‍पाला ग्‍याप हो़ना,

ॱङो़न्‍पा 18:18

धेनी होदे ग्‍याजा क्षेगो छीक्‍ती धीबागो थोरी, खुङक्‍याई देरे ॱनेरी केक ग्‍याप्‍कीलाक, ‘दे च्‍योक्‍रे ग्‍याजा क्षे श्‍येम्‍मा घारु हो़तालाक से?’

ॱङो़न्‍पा 18:9

“मी़मुला लोक्‍येम झ्‍येजा धाङ मी़ दो़यो़नला धेता साश्‍यीगी ग्‍यावुक्‍याई, मोला ॱराक्‍कीन धीबा थोरी, मी़ क्षीदु ङुगीलाक धेनी दुक ॱरुङगीलाक।

ॱङो़न्‍पा 19:3

याङ खुङक्‍याई धाब्‍ले केक ग्‍याप्‍ती ॱनेवालाक, “हालेलुयाह! मोला ॱराक्‍कीनगी धीबागो ग्‍युने ग्‍युन्‍दु याला थो़न्‍दी डुगीलाक।”

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 22:5

होदुरु याङ नामा छेन झ्‍युङगीमालाक। धेनी ॱलोक धाङ ङीमागी, हो़ खुङक्‍याला घोगीमालाक घीझ्‍येरी ॱनाना चोवो को़न्‍क्षोक खुङक्‍याई हो़ झ्‍युङगीलाक। धेनी खुङक्‍याई ग्‍युने ग्‍युन्‍दु वाङग्‍युर झ्‍यीगीलाक।

ॱङो़न्‍पा 7:12

“आमेन। तो़पा धाङ शीजे, स्‍येराप धाङ काटीन धाङ कुरती, वाङ धाङ नी़थु, होरी को़न्‍क्षोकला ग्‍युने ग्‍युन्‍दु हुङवास्‍योक। आमेन।”