ॱङो़न्‍पा 13:4 - ॱलोवा

⁴ धेनी डुकगी राङगी आङजागो, होदे सेम्‍चेनला तेरता झ्‍येरी, मीक्‍या खोला क्षाक्‍क्षो़पा पुलालाक धेनी होदे सेम्‍चेनगोलाः देरे ॱनेरी क्षाक्‍क्षो़पा पुलालाक, “सेम्‍चेन दे च्‍योक्‍रे सु हेतो? धेनी देमुला टाप थुक्‍कीन सु हेतो?”

ॱङो़न्‍पा 13:4 Iomraidhean Croise

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

ॱङो़न्‍पा 12:3

धेनी नाम्‍खे श्‍यीङखामदु ताक श्‍येम्‍मा च्‍यीक थोवालाक। गोवा धी़न धाङ राक्‍योक च्‍यु झ्‍येजा धेनी गोवा धी़न्‍बोगी खाला चो़पेन रे-रे घो़न्‍गा डुक ॱमाउ क्षे च्‍यीक थोवालाक।

ॱङो़न्‍पा 12:4

धेनी होदेगी ॱङामागी़ ॱनामने कारमा दुबु सुमने च्‍यीक रुक्‍ती, साश्‍यीदु ॱयुक्‍पालाक। धेनी टु केलुङ मेताला होदे टुगोला मीक्‍येगी साम्‍लो तारी, होदे डुकगो होदे टु केये झ्‍यीगीन भोमोगी़ दोङदु लारी धे हो़तालाक।

ॱङो़न्‍पा 13:11

धेनी साश्‍यी नाङने सेम्‍चेन श्‍येम्‍मा च्‍यीक थो़न्‍दी, हुङगीनगो ङी थोजुङ। होदेला लुक्‍टुगी च्‍योक्‍रे राक्‍योक ॱङी दुक हीना डुक च्‍योक्‍रे लाब ताङी।

ॱङो़न्‍पा 13:15

धेनी होदे कुगो लाब ताङ थुक्‍कीन झ्‍युङये धाङ होदेला क्षाक्‍क्षो़पा ॱमीपुगीन घीरी सेदु च्‍युक्‍येगी क्षीला, होदे सेम्‍चेन धाङपोगी कुला उप तेरयेगी नी़थु, होदे सेम्‍चेन ॱङीवागोला तेर हो़तालाक।

ॱङो़न्‍पा 13:2

ङी थोथा सेम्‍चेनगो शीक च्‍योक्‍रे दुक धेनी होदेगी काङबागो, दोमगी काङबा धाङ खागो सीङगेगी खा च्‍योक्‍रे दुक। धेनी होदे डुकगी, होदे सेम्‍चेनगोला राङगी नी़थु धाङ राङगी ठी धाङ राङगी आङजा क्षेगो तेरपालाक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 18:18

धेनी होदे ग्‍याजा क्षेगो छीक्‍ती धीबागो थोरी, खुङक्‍याई देरे ॱनेरी केक ग्‍याप्‍कीलाक, ‘दे च्‍योक्‍रे ग्‍याजा क्षे श्‍येम्‍मा घारु हो़तालाक से?’

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।