ॱङो़न्पा 13:12 - ॱलोवा12 होदेगी सेम्चेन धाङपोगी छापला, खी़ वाङ घीरी भो़चे झ्यीदालाक धेनी साश्यी धाङ दुरु हो़गीन घीरीला, ॱमा छाप्क्षे सो़सागो सेम्चेन धाङपोगोला, क्षाक्क्षो़पा पुरु च्युक्वालाक। Faic an caibideil |
ॱङो़न्पा 13:12
12 Iomraidhean Croise
ख्यी़ थोङगीन होदे सेम्चेनगो एम्मा थेङ च्यीकला हो़तालाक हीना धान्दा मेतालाक। धेनी मेताला डोयेगी क्षीदु, होदे थी मेगीन दोङ-दोङने थो़न्ये झ्यीदीक। धेनी साश्यी को़ने ॱहाला, छेसोकगी धेप नाङदु मीङ माढीक्टा साश्यीगी मीक्या, होदे सेम्चेनला थोरी ॱहाङसागीलाक घीझ्येरी ॱनाना होदे थेङ च्यीकला हो़तालाक हीना धान्दा मेतालाक धेनी स्याम्ला हुङगीलाक।
धेनी होदे सेम्चेन धाङ होदेगी छापला ॱहाङसागीन लेगा तो़न्गीन, ॱङो़नस्येखेन शोक्पो ॱङीगाराला शीम्बालाक। धेनी होदे ॱङो़नस्येखेन शोक्पोगी़ राङगी ॱहाङसागीन लेगाक्याई थोक्ने, होदे सेम्चेनगी ताक लेन्ला धाङ होदेगी कुला क्षाक्क्षो़पा पुगीनक्याला ॱली़ हो़तालाक। दे ॱङीगाराला मे भारती धेता मुशेगी छोला सो़न्पो ॱयुक्पालाक।
धेनी ङी श्युक्ठीक्या धाङ ठीम्चो़ जेयेला आङजा थोप्था, होदे श्युक्ठी खाला श्युक्कीनक्या थोजुङ। धेनी येशुला धेन्पाङ झ्येजा धाङ को़न्क्षोकगी कागी दो़न्दु, गोवा चेचाक्याई सेम्ङीक्या ङी थोजुङ। खुङक्याई होदे सेम्चेन धाङ होदेगी कुला क्षाक्क्षो़पा ॱमापुवालाक धेनी होदेगी ताक टाल्ले याङना लाक्पाला माग्याप्पालाक। खुङक्या सो़न्पो झ्युवालाक धेनी मास्यीकामुला, खुङक्याई लो च्यीकतोङ थुक्पे वाङग्युर झ्येवालाक।
Sanasan