ॱङो़न्‍पा 12:9 - ॱलोवा

⁹ होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 12:9 Iomraidhean Croise

मेथा 13:39

धेनी युक्‍पु ताप्‍कीन डागो धी़क लाक। लोदोक धुगीन धी़चो़गो थागी धी़चो़ लाक। धेनी ॱङागीनक्‍या नाम्‍खे भाङछेनक्‍या लाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 4:1

धा धी़कगी येशुला छो़ता लेन्‍येगी क्षीला, धाम्‍पे थुक्‍ङीगी येशुला रीतोङदु ठी जेपालाक।

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मेथा 4:5

धेनी धी़कगी खोङबाला धाम्‍पे ग्‍याजा येरुसालेमला ठीक्‍ती, को़न्‍क्षोकगी क्षो़खाङगी उच्‍चीरु श्‍याक्‍ती,

मेथा 4:8

याङदा धी़कगी खोङबाला ॱमीच्‍यीकी री थोवा च्‍यीकला ठीक्‍ती, जाम्‍बुलीङगी ग्‍याखाप घीरी धाङ दी शीजे घीरी तो़न्‍दी,

लुका 10:18

येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।

लुका 13:16

धा दे केमी आब्‍राहामगी भोमो दे सातानगी लागाला लो चाबग्‍ये थुक्‍पे स्‍योर हो़तालाक धेनी ङासुगीन ङीमाला, मोला होदेगी लागाने टो ॱमेक्षोक्‍वाले?”

लुका 22:3

धेनी ङेने च्‍युङङीने ईस्‍कारीयोत ॱनागीन, युदागी सेम नाङदु सातान जुवालाक।

लुका 22:31

होदे स्‍याम्‍ने येशुगी सुवालाक, “सीमोन, सीमोन! दुरु ङेन! सातानगी ख्‍यो़ला ढो च्‍योक्‍रे होछारयेला श्‍यी़दुक।

लुका 8:12

लाम्‍गाला थोरकीन साङाक्‍या, का घोरसागीनक्‍या लाक। धेनी धेपा मीझ्‍यीदास्‍योक धेनी ॱमाक्‍योबास्‍योक ॱनेरी, धी़क होरी खुङक्‍याई सेमने कागो ठोक्‍ती डोवालाक।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 16:11

धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

२ कोरीन्‍थुपा 11:14

धेनी दे ॱहाङसागीन लाब मालाक घीझ्‍येरी ॱनाना धी़ सातानगीयाः राङला, हो़गी भाङछेन हीन्‍दोक-दोक झ्‍यीदालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

२ कोरीन्‍थुपा 2:11

दे नी, धी़ सातानगी होराङला गोकोर ॱमेताङयेगी क्षीदु झ्‍येवालाक। घीझ्‍येरी ॱनाना खी़ झ्‍यी़क्‍याई कोरला, होराङगी ॱमेस्‍येगीन मालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

१ तीमोथेउ 2:14

धेनी धी़कगी आदामला ॱली़वा मेन्‍दा भोमोला ॱली़वालाक धेनी भोमोगो धीक्‍पे नाङदु छी़वालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।

ॱङो़न्‍पा 12:12

होझ्‍येरी नाम्‍खे श्‍यीङखाम, धाङ होदुरु श्‍युक्‍कीन खेक्‍या घाटो झ्‍यी। हीना साश्‍यी धाङ ग्‍याछो दे, ॱङ्यावाली। घीझ्‍येरी ॱनाना राङगी धी़चो़ ङ्युङा हो़गीनगो स्‍येरी, धी़कगो खोङडो क्षे लारी, खीकीचारु माला हो हो़तालाक।”

ॱङो़न्‍पा 12:3

धेनी नाम्‍खे श्‍यीङखामदु ताक श्‍येम्‍मा च्‍यीक थोवालाक। गोवा धी़न धाङ राक्‍योक च्‍यु झ्‍येजा धेनी गोवा धी़न्‍बोगी खाला चो़पेन रे-रे घो़न्‍गा डुक ॱमाउ क्षे च्‍यीक थोवालाक।

ॱङो़न्‍पा 12:7

धेनी नाम्‍खे श्‍यीङखामदु ॱमाक झ्‍युवालाक। धेनी मीकाएल धाङ खी़ भाङछेनक्‍या धाङ डुक धाङ होदेगी भाङछेनक्‍या घुङदु ॱमाक टाप्‍पालाक।

ॱङो़न्‍पा 12:8

हीना होदे डुक धाङ खी़ भाङछेनक्‍या फाम्‍बालाक धेनी खुङक्‍याला नाम्‍खे श्‍यीङखामदु धेदु ॱमाच्‍युक्‍पालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 16:14

देक्‍या नी ॱहालेवा ताकक्‍या तो़न्‍गीन डेगी सेम्‍ङीक्‍या लाक। कुवाङ को़न्‍क्षोकगी ङीमा खाक्‍क्षेगोला, ॱमाक टाप्‍येगी क्षीदु दे, सेम्‍ङीक्‍या जाम्‍बुलीङ घीरीगी ग्‍यावुक्‍या चारु सोरी खुङक्‍याला रुप्‍पालाक।

ॱङो़न्‍पा 18:2

धेनी होदेगी सुङकेक क्षेला देरे सुवालाक, “मेताला लाजो, ग्‍याजा क्षे बाबीलोनगो मेताला लाजो। मो नी डेक्‍याई ॱनेसा झ्‍युदुक। धेनी सेम्‍ङी ॱमेचाङा ॱनाछोकगी ॱनेसा, धाङ झ्‍या ॱमेचाङा ॱनाछोकगी ॱनेसा, धेनी सेम्‍चेन ॱमेचाङा धाङ आम्‍लोवा ॱनाछोकगी ॱनेसा झ्‍युदुक।

ॱङो़न्‍पा 18:23

ॱलोकगी हो़, ख्‍यी़ नाङदु याङ नामा मेभारकीलाक। माक्‍पा धाङ भाक्‍मागी केक, ख्‍यी़ नाङदु याङ नामा मेघोरकीलाक। घीझ्‍येरी ॱनाना ख्‍यी़ छोङबाक्‍या साश्‍यीगी, मी खाक्‍क्षेक्‍या लाक धेनी ख्‍यी़ थी़ ग्‍याप्‍ती मीरीक घीरीला ॱली़वालाक।

ॱङो़न्‍पा 19:20

धेनी होदे सेम्‍चेन धाङ होदेगी छापला ॱहाङसागीन लेगा तो़न्‍गीन, ॱङो़नस्‍येखेन शोक्‍पो ॱङीगाराला शीम्‍बालाक। धेनी होदे ॱङो़नस्‍येखेन शोक्‍पोगी़ राङगी ॱहाङसागीन लेगाक्‍याई थोक्‍ने, होदे सेम्‍चेनगी ताक लेन्‍ला धाङ होदेगी कुला क्षाक्‍क्षो़पा पुगीनक्‍याला ॱली़ हो़तालाक। दे ॱङीगाराला मे भारती धेता मुशेगी छोला सो़न्‍पो ॱयुक्‍पालाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 2:24

“हीना दे क्षो़ला ॱमीचीगीन धाङ धी़ सातानगी साङवा तीङरीङाक्‍या मेज्‍याङगीन, खे थीयातीरादु हो़गीन खेक्‍याला ॱनाहीन, ‘ङा खेक्‍याला खु श्‍येम्‍मा घीया कायेमेन।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 20:8

धेनी साश्‍यीगी छोक श्‍यीगाराला हो़गीन, मीरीकक्‍या याङना गोग धाङ मागोगक्‍याला ॱली़ये धाङ ॱमाकगी क्षीदु रुक्‍येला, होदे सातान थो़न्‍दी हुङगीलाक। धेनी खुङक्‍याई ढाङगा ग्‍याछोगी भेमा च्‍योक्‍रे हुङगीलाक।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।

ॱङो़न्‍पा 9:1

धेनी नाम्‍खे भाङछेन ॱङावागी़, राङगी दुङक्षेनगो भी़वालाक धेनी ङी नाम्‍खाने साला ल्‍हीम्‍ला, कारमा च्‍यीक थोजुङ। होदेला थी मेगीन, दोङ-दोङगी धीमीकगो ॱनावालाक।

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।