ॱङो़न्‍पा 12:7 - ॱलोवा

⁷ धेनी नाम्‍खे श्‍यीङखामदु ॱमाक झ्‍युवालाक। धेनी मीकाएल धाङ खी़ भाङछेनक्‍या धाङ डुक धाङ होदेगी भाङछेनक्‍या घुङदु ॱमाक टाप्‍पालाक।

ॱङो़न्‍पा 12:7 Iomraidhean Croise

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 26:53

ख्‍यी़ साम्‍बाला ङा ङी यापला श्‍यी़ ॱमीथुक्‍वालाक सामी? धेनी ङी श्‍यी़ना खोङगी ङाला नाम्‍खे भाङछेनगी ॱमाक्‍पुङ च्‍युङङीने, ल्‍हाक ताङ ॱमीथुक्‍कीले?

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

ईब्‍रीपा 2:10

ॱङोपो घीरी को़ जेगीन नी, को़न्‍क्षोक लाक धेनी घीरी खोङगी क्षीदु को़ जेपालाक। धेनी भीजा धाङ भोमो माङाला शीजे नाङदु ठीक्‍ती हुङयेगी क्षीदु, येशुला दुक्‍पु ङ्याङदु च्‍युक्‍ती फी़न्‍सुम छोक्‍पा जेयेगो, को़न्‍क्षोकगी क्षीदु ताक-ताक झ्‍युवालाक। येशुराङ खुङक्‍याला थारपाला ठीक्‍कीनगो लाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।

ॱङो़न्‍पा 12:8

हीना होदे डुक धाङ खी़ भाङछेनक्‍या फाम्‍बालाक धेनी खुङक्‍याला नाम्‍खे श्‍यीङखामदु धेदु ॱमाच्‍युक्‍पालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:7

धेनी होदेला धाम्‍पे मीक्‍यामुला टाप्‍ये धाङ खुङक्‍या खाला ग्‍यायेगी नी़थु तेरपालाक। धेनी ग्‍युपा घीरी धाङ मी घीरी धाङ केरीक घीरी धाङ मीरीक घीरीगी खाला खोला आङजा तेरपालाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।