ॱङो़न्‍पा 12:3 - ॱलोवा

³ धेनी नाम्‍खे श्‍यीङखामदु ताक श्‍येम्‍मा च्‍यीक थोवालाक। गोवा धी़न धाङ राक्‍योक च्‍यु झ्‍येजा धेनी गोवा धी़न्‍बोगी खाला चो़पेन रे-रे घो़न्‍गा डुक ॱमाउ क्षे च्‍यीक थोवालाक।

ॱङो़न्‍पा 12:3 Iomraidhean Croise

ॱङो़न्‍पा 12:1

नाम्‍खे श्‍यीङखामदु ॱहाङसागीन ताक च्‍यीक, ङी थोजुङ। भोमो च्‍यीक ली़ला ङीमा घो़न्‍गा धाङ काङबी होकला दावा धाङ गोवाला कारमा च्‍युङङीगी चो़पेन घो़न्‍गा च्‍यीक दुक।

ॱङो़न्‍पा 12:13

धा होदे डुकगी़ राङला साश्‍यीरु ॱयुक ॱयोवागो थोरी, होदे भीजा केगीन भोमोगोला देपालाक।

ॱङो़न्‍पा 12:17

धेनी होदे डुकगो होदे भोमोमुला खोङडो लावालाक धेनी मी़ टुवा श्‍येम्‍माक्‍यामुला टाप्‍तु सोवालाक। याङना को़न्‍क्षोकगी का ॱरुङगीनक्‍या धाङ येशुगी पाङपो झ्‍यीगीनक्‍यामुला टाप्‍तु सोवालाक।

ॱङो़न्‍पा 12:4

धेनी होदेगी ॱङामागी़ ॱनामने कारमा दुबु सुमने च्‍यीक रुक्‍ती, साश्‍यीदु ॱयुक्‍पालाक। धेनी टु केलुङ मेताला होदे टुगोला मीक्‍येगी साम्‍लो तारी, होदे डुकगो होदे टु केये झ्‍यीगीन भोमोगी़ दोङदु लारी धे हो़तालाक।

ॱङो़न्‍पा 12:7

धेनी नाम्‍खे श्‍यीङखामदु ॱमाक झ्‍युवालाक। धेनी मीकाएल धाङ खी़ भाङछेनक्‍या धाङ डुक धाङ होदेगी भाङछेनक्‍या घुङदु ॱमाक टाप्‍पालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:1

धेनी ग्‍याछो नाङने, राक्‍योक च्‍यु धाङ गोवा धी़न हो़गीन सेम्‍चेन च्‍यीक थो़न्‍दी हुङगीनगो, ङी थोजुङ। होदेगी राक्‍योकक्‍याला चो़पेन च्‍यु दुक धेनी होदेगी गोवाक्‍याला, को़न्‍क्षोकला कुरवा धेप्‍कीन मीङ दुक।

ॱङो़न्‍पा 13:2

ङी थोथा सेम्‍चेनगो शीक च्‍योक्‍रे दुक धेनी होदेगी काङबागो, दोमगी काङबा धाङ खागो सीङगेगी खा च्‍योक्‍रे दुक। धेनी होदे डुकगी, होदे सेम्‍चेनगोला राङगी नी़थु धाङ राङगी ठी धाङ राङगी आङजा क्षेगो तेरपालाक।

ॱङो़न्‍पा 13:4

धेनी डुकगी राङगी आङजागो, होदे सेम्‍चेनला तेरता झ्‍येरी, मीक्‍या खोला क्षाक्‍क्षो़पा पुलालाक धेनी होदे सेम्‍चेनगोलाः देरे ॱनेरी क्षाक्‍क्षो़पा पुलालाक, “सेम्‍चेन दे च्‍योक्‍रे सु हेतो? धेनी देमुला टाप थुक्‍कीन सु हेतो?”

ॱङो़न्‍पा 15:1

धेनी ङी नाम्‍खे श्‍यीङखामदु, श्‍येम्‍मा ताक क्षे धाङ ॱहाङसागीन च्‍यीक थोजुङ। नाम्‍खे भाङछेन धी़नक्‍याई, थामे दुक्‍पु धी़न खेर हो़तालाक घीझ्‍येरी ॱनाना को़न्‍क्षोकगी थुक्‍ठो़ नी, होदे दुक्‍पुला डुप हो़तालाक।

ॱङो़न्‍पा 16:13

धेनी ङी होदे डुकगी खा धाङ सेम्‍चेनगी, खा धाङ ॱङो़नस्‍येखेन शोक्‍पोगी खाने, भावा च्‍योक्‍रे सेम्‍ङी ॱमेचाङा सुम थो़न्‍दी हुङगीनगो थोजुङ।

ॱङो़न्‍पा 17:12

“ख्‍यी़ थोथा होदे राक्‍योक च्‍युगो धान्‍दा थुक्‍पे, ग्‍याखाप ॱमाथोप्‍था ग्‍यावु च्‍युगो लाक। हीना खुङक्‍याला होदे सेम्‍चेनमुला वाङग्‍युर झ्‍यीयेला, छुची च्‍यीकगी ग्‍यावुगी आङजा थोप्‍कीलाक।

ॱङो़न्‍पा 17:16

धेनी ख्‍यी़ थोथा होदे राक्‍योक च्‍यु धाङ होदे सेम्‍चेनगी, होदे श्‍याङचोङमाला दाङा झ्‍यीगीलाक। धेनी मोला हो़गीन घीरी ठोक्‍ती, मोला ॱमाराङा शोगीलाक धेनी खुङक्‍याई मी़ स्‍या शागीलाक धेनी मोला मेला ॱराक्‍ती मेताला ताङगीलाक।

ॱङो़न्‍पा 17:7

धेनी होदे नाम्‍खे भाङछेनगी ङाला सुजुङ, “ख्‍यो़ घीझ्‍येरी ॱहाङसाले? होदे भोमो धाङ मोला खुरकीन गोवा धी़न धाङ राक्‍योक च्‍यु हो़गीन, होदे सेम्‍चेनगी साङवागो ङी ख्‍यो़ला स्‍येदु।

ॱङो़न्‍पा 19:12

खोङबागी चेन नी, मेचे च्‍योक्‍रे दुक धेनी खोङबागी उला चो़पेन माङा दुक। खोङबागी खाला छेन च्‍यीक ढीक दुक। धेनी होदे छेन दे, खोङबाराङगी माना श्‍येम्‍मा सुला स्‍येये मेतालाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।