ॱङो़न्पा 12:11 - ॱलोवा11 होरी पी़नक्याई लुक्टुगी ठाक धाङ, राङगी धेन्पाङगी छीकगी झ्येरी, होदे क्यो़न चुक्कीनगी खाला ग्यावालाक। धेनी छीवागी खा थुक्पे ॱलेप्घोना, खुङक्याई राङगी ॱरोकला ॱमातेवालाक। Faic an caibideil |
ॱङो़न्पा 12:11
33 Iomraidhean Croise
धेनी खोङबाला क्षाक्क्षो़पा पुयेला, ङी खोङबागी श्यापला क्षाक छावी। हीना खोङबागी ङाला सुजुङ, “देरे माझ्यी। ङा नी ख्यो़ धाङ ख्यी़ पी़नक्या च्योक्रे, येशुगी धेन्पाङ झ्यीगीन लेरोक च्यीगा हीन। को़न्क्षोकला क्षाक्क्षो़पा पु। घीझ्येरी ॱनाना येशुला धेन्पाङ झ्यीगीन नी, ॱङो़नस्येगी सेम्ङी लाक।”
धेनी ङी श्युक्ठीक्या धाङ ठीम्चो़ जेयेला आङजा थोप्था, होदे श्युक्ठी खाला श्युक्कीनक्या थोजुङ। धेनी येशुला धेन्पाङ झ्येजा धाङ को़न्क्षोकगी कागी दो़न्दु, गोवा चेचाक्याई सेम्ङीक्या ङी थोजुङ। खुङक्याई होदे सेम्चेन धाङ होदेगी कुला क्षाक्क्षो़पा ॱमापुवालाक धेनी होदेगी ताक टाल्ले याङना लाक्पाला माग्याप्पालाक। खुङक्या सो़न्पो झ्युवालाक धेनी मास्यीकामुला, खुङक्याई लो च्यीकतोङ थुक्पे वाङग्युर झ्येवालाक।
“धेनी सु ग्याली, होदेगोला ङा होदेगी क्षीला, ङी को़न्क्षोकगी क्षो़खाङ नाङदु कावा च्यीक चुक्येहीन। धेनी खो होदेने नामा थो़न घोगुमालाक। ङा खी़ खाला, ङी को़न्क्षोकगी छेन ढीक्येहीन। धेनी नाम्खे श्यीङखामने माला फेप्कीन, ङी को़न्क्षोकगी ग्याजागी मीङ, येरुसालेम साबा ढीक्येहीन। धेनी ङारी मीङ साबागोवाः खी़ खाला ढीक्येहीन।
Sanasan