ॱङो़न्‍पा 12:1 - ॱलोवा

¹ नाम्‍खे श्‍यीङखामदु ॱहाङसागीन ताक च्‍यीक, ङी थोजुङ। भोमो च्‍यीक ली़ला ङीमा घो़न्‍गा धाङ काङबी होकला दावा धाङ गोवाला कारमा च्‍युङङीगी चो़पेन घो़न्‍गा च्‍यीक दुक।

ॱङो़न्‍पा 12:1 Iomraidhean Croise

मेथा 12:38

धेनी क्षो़ठीमगी ॱलोपो़नक्‍या धाङ फारुसीपा रीङगाक्‍याई येशुला श्‍यी़वालाक, “ॱलोपो़न ला, हेक्‍या खेराङने ताक च्‍यीक थोङयेगी दो़पा हो़क।”

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मारकु 13:25

धेनी ॱनामने कारमाक्‍या ल्‍हीम्‍गीलाक धेनी ॱनामगी स्‍युकक्‍या ठुक्‍कीलाक।

लुका 21:11

सायोम क्षेक्‍या ग्‍याप्‍कीलाक धेनी साजा माङक्षेला मुगे धाङ नाजाक्‍या झ्‍युङगीलाक। धेनी जीक्‍नाङ धाङ ॱनामने ॱहाङसागीन ताकक्‍या थोङगीलाक।

लुका 21:25

“ङीमा, दावा धाङ कारमाक्‍याला ताकक्‍या थोङगीलाक। ग्‍याछो धाङ भालापगी हुर क्षेक्‍याई झ्‍येरी, दे जाम्‍बुलीङगी मीरीकक्‍या ॱमीच्‍यीकी जीक्‍ती ॱङाङडा केगीलाक।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

जेपा 2:19

ॱनामदु ङा ॱहाङसागीन लेगाक्‍या तो़न्‍येहीन, धेनी होकगी जाम्‍बुलीङदु ताकक्‍या तो़न्‍येहीन, होदुरु ठाक धाङ मे धाङ धीबागी ॱरीङबा थोङगीलाक।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

गालातीयापा 4:26

हीना नाम्‍खे येरुसालेमगोला राङवाङ हो़तालाक धेनी मो होरी आमा लाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 5:32

दे नी साङवा क्षे च्‍यीक लाक धेनी दे लाब दे ङा मास्‍यीका धाङ क्षो़छोकला ॱमीक्‍ती ॱनाहीन।

ॱङो़न्‍पा 1:20

धा ख्‍यी़ ङी लाक्‍पा ॱये स्‍योकला थोङगीन, कारमा धी़न धाङ सेरगी क्‍युङ धी़नगी साङवागो नी दे लाक, कारमा धी़नक्‍या क्षो़छोक धी़नगी भाङछेनक्‍या लाक धेनी क्‍युङ धी़नगो, क्षो़छोक धी़न्‍बोगो लाक।”

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 12:3

धेनी नाम्‍खे श्‍यीङखामदु ताक श्‍येम्‍मा च्‍यीक थोवालाक। गोवा धी़न धाङ राक्‍योक च्‍यु झ्‍येजा धेनी गोवा धी़न्‍बोगी खाला चो़पेन रे-रे घो़न्‍गा डुक ॱमाउ क्षे च्‍यीक थोवालाक।

ॱङो़न्‍पा 15:1

धेनी ङी नाम्‍खे श्‍यीङखामदु, श्‍येम्‍मा ताक क्षे धाङ ॱहाङसागीन च्‍यीक थोजुङ। नाम्‍खे भाङछेन धी़नक्‍याई, थामे दुक्‍पु धी़न खेर हो़तालाक घीझ्‍येरी ॱनाना को़न्‍क्षोकगी थुक्‍ठो़ नी, होदे दुक्‍पुला डुप हो़तालाक।

ॱङो़न्‍पा 21:14

होदे ग्‍याजागी च्‍यारीगोला ॱमाङस्‍यी च्‍युङङी हो़तालाक धेनी होदे ॱमाङस्‍यी खाला लुक्‍टुगी, कुछाप च्‍युङङीक्‍याई मीङ ढीक हो़तालाक।

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।