ॱङो़न्‍पा 11:8 - ॱलोवा

⁸ धेनी खुङक्‍याई चोवोला ग्‍याङस्‍यीङ खाला क्‍याङक्‍या, ग्‍याजा हीन्‍गीन ग्‍याजा क्षेगी ॱराङगाकला, खुङक्‍याई रोगो लेरी धेगीलाक। दे ग्‍याजा क्षेला सादोम याङना एजेप ॱनेरी, मीङ ताक हो़तालाक।

ॱङो़न्‍पा 11:8 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

जेपा 9:4

धेनी खो साला रीरी केक च्‍यीक देरे ॱनागीन घोरपालाक, “साउल, साउल। ख्‍यो़ ङाला घीझ्‍येरी दुक्‍पु ताङाले?”

ईब्‍रीपा 13:12

होझ्‍येरी येशुगीयाः राङगी कुठाकगी गोने मीक्‍याला धाम्‍पा जेयेला, गेघोगी फीला दुक्‍पु ङ्यावालाक।

ईब्‍रीपा 6:6

धेपाने लोक्‍ना याङदा सेम ग्‍युरती, ग्‍यो़पा झ्‍यीरु च्‍युक्‍ये दे हुङथुक्‍येराङ मेतालाक। घीझ्‍येरी ॱनाना हुरे मीक्‍याई को़न्‍क्षोकगी सेला धाब्‍ले ग्‍याङस्‍यीङ खाला क्‍याङगीन च्‍योक्‍रे लाक धेनी घीरीगी दोङदु खोङबागी ङोजा पावालाक।

२ पेटो 2:6

धेनी खोङबागी सादोम धाङ गोमोरा ग्‍याजाक्‍याला मेगी ॱराक्‍ती, चामेदु ताङा जेपालाक। देरे जेदी खोङबागी क्षो़ला ॱमीचीगीन मीक्‍याला घी झ्‍युङये हीन्‍गीनगी, पे च्‍यीक ॱनाङा जेपालाक।

युदा 1:7

देरे झ्‍येरीराङ सादोम धाङ गोमोरा धाङ थाकोरगी ढोङखेरगी मीक्‍या, लोक्‍येम धाङ ली़गी दो़छाकला छी़पालाक। धेनी खुङक्‍याला थामेगीन मेगी छेपा फोक्‍ती, पे च्‍यीक झ्‍यु हो़तालाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 11:9

ङीमा सुम धाङ फे थुक्‍पे मीमाङक्‍या धाङ ग्‍युपाक्‍या धाङ केरीकक्‍या धाङ मीरीकक्‍याई, खुङ ॱङीउगी रोला तेरी धेगीलाक धेनी खुङक्‍याई रोक्‍या भारु ॱमीच्‍युक्‍कीलाक।

ॱङो़न्‍पा 14:20

होदे घुन्‍डुमक्‍या ग्‍याजा फीला हो़गीन, घुन्‍क्षाङ चीरसा श्‍योङ नाङदु चीरपालाक धेनी होदे श्‍योङने ठाक थो़न्‍दी होवालाक। धेनी होदे ठाकगो तागी ॱराप थुक्‍पे ॱलेप्‍कीन, धाङ ग्‍याङडा कीलो मीटार सुमग्‍या चो़ थो़न्‍बालाक।

ॱङो़न्‍पा 14:8

धेनी नाम्‍खे भाङछेन ॱङीवागो, होदेगी स्‍याम-स्‍याम्‍ला डारी देरे सुवालाक, “ग्‍याजा क्षे बाबीलोनगो धीप्‍जो! धीप्‍जो! दे ग्‍याजागी मीरीक घीरीला, राङगी लोक्‍येमगी घुन्‍क्षाङ घारागो थुङदु च्‍युक्‍पालाक।”

ॱङो़न्‍पा 16:19

धेनी बाबीलोनगी ग्‍याजा क्षेगो दुबु सुमला गेवालाक धेनी साश्‍यीक्‍याई ग्‍याजाक्‍या धीप्‍पालाक। को़न्‍क्षोकगी बाबीलोन ग्‍याजा क्षेगोला ढेन्‍बालाक धेनी राङगी थुक्‍ठो़गी घुन्‍क्षाङ खाङखा फोरागो, मोला थुङदु च्‍युक जेपालाक।

ॱङो़न्‍पा 17:1

होदे फोरा धी़न हो़गीन नाम्‍खे भाङछेन धी़नने, च्‍यीक ङीचारु फेप्‍ती देरे सुजुङ, “दुरु स्‍योक। ङा ख्‍यो़ला क्षु माङागी डामला धेगीन, होदे श्‍याङचोङमा केटाक्‍क्षेला फोक्‍ये हीन्‍गीन ठीम्‍चो़गो तो़न्‍दु।

ॱङो़न्‍पा 17:18

ख्‍यी़ थोथा होदे भोमोगो नी, साश्‍यीगी ग्‍यावुक्‍याई खाला वाङग्‍युर झ्‍यीगीन, होदे ग्‍याजा क्षेगो लाक।”

ॱङो़न्‍पा 17:5

धेनी मी़ टाल्‍ले खाला देरे साङवागी दो़न्‍दाक हो़गीन, देरे मीङ ढीक हो़तालाक, “ग्‍याजा क्षे बाबीलोन, साश्‍यीगी श्‍याङचोङमाक्‍या, धाङ आम्‍लोवा दो़नक्‍याई आमा।”

ॱङो़न्‍पा 18:10

मी़ दुक्‍पुगोला जीक्‍ती, खुङक्‍या थाक्‍रीङाला लारी धेती देरे ॱनागीलाक, ‘आच्‍ची! आच्‍ची, ख्‍यो़ ग्‍याजा क्षे, ख्‍यो़ ग्‍याजा वाङक्षे बाबीलोन। छुची च्‍यीक्‍लाराङ ख्‍यो़ला छेपा फोक्‍जुङ!’

ॱङो़न्‍पा 18:18

धेनी होदे ग्‍याजा क्षेगो छीक्‍ती धीबागो थोरी, खुङक्‍याई देरे ॱनेरी केक ग्‍याप्‍कीलाक, ‘दे च्‍योक्‍रे ग्‍याजा क्षे श्‍येम्‍मा घारु हो़तालाक से?’

ॱङो़न्‍पा 18:2

धेनी होदेगी सुङकेक क्षेला देरे सुवालाक, “मेताला लाजो, ग्‍याजा क्षे बाबीलोनगो मेताला लाजो। मो नी डेक्‍याई ॱनेसा झ्‍युदुक। धेनी सेम्‍ङी ॱमेचाङा ॱनाछोकगी ॱनेसा, धाङ झ्‍या ॱमेचाङा ॱनाछोकगी ॱनेसा, धेनी सेम्‍चेन ॱमेचाङा धाङ आम्‍लोवा ॱनाछोकगी ॱनेसा झ्‍युदुक।

ॱङो़न्‍पा 18:21

धेनी नाम्‍खे भाङछेन तोपक्षे च्‍यीकगी थाकधो क्षे च्‍योक्‍रे, धोगोङ च्‍यीक क्‍याक्‍ती, देरे सुरी ग्‍याछो नाङला ॱयुक्‍जुङ, “ग्‍याजा क्षे बाबीलोनगोला, देरेराङ स्‍युक्‍क्षे झ्‍येरी ॱयुक्‍कीलाक। धेनी होदे धाब्‍ले नामा ॱमेथोङगीलाक।

ॱङो़न्‍पा 18:24

धेनी ख्‍यी़ नाङदु ॱङो़नस्‍येखेनक्‍या धाङ धाम्‍पे मीक्‍याई ठाक, धाङ साश्‍यीदु सेसा मी घीरीगी ठाक ॱङेपालाक।”