ॱङो़न्‍पा 11:19 - ॱलोवा

¹⁹ धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 11:19 Iomraidhean Croise

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 12:1

नाम्‍खे श्‍यीङखामदु ॱहाङसागीन ताक च्‍यीक, ङी थोजुङ। भोमो च्‍यीक ली़ला ङीमा घो़न्‍गा धाङ काङबी होकला दावा धाङ गोवाला कारमा च्‍युङङीगी चो़पेन घो़न्‍गा च्‍यीक दुक।

ॱङो़न्‍पा 16:1

धेनी क्षो़खाङ नाङने, सुङकेक क्षे च्‍यीकगी, नाम्‍खे भाङछेन धी़नला देरे सुङगीनगो ङी घोरजुङ, “खेक्‍या सोङ धेनी को़न्‍क्षोकगी थुक्‍ठो़गी फोरा धी़नगो साश्‍यी खाला पो़।”

ॱङो़न्‍पा 16:18

धेनी ॱलोक्‍मार धाङ धीरडा धाङ डुक्‍डाक्‍या थो़न्‍बालाक धेनी सुङगु जीक्‍टाक्षे सोवालाक। साश्‍यीदु मीरीक को़ने ॱहाला, झ्‍युङ माङ्युङगीन सुङगु देरे जीक्‍टाक्षे च्‍यीक सोवालाक।

ॱङो़न्‍पा 16:21

धेनी ॱनामने माला कीलो श्‍यीपच्‍यु-श्‍यीपच्‍यु चो़ हो़गीन, सेरा क्षेक्‍या मीक्‍याई खाला भाप्‍पालाक। धेनी सेरा ग्‍याप्‍कीन दुक्‍पुगी झ्‍येरी, मीक्‍याई को़न्‍क्षोकला कुरवा धेप्‍पालाक घीझ्‍येरी ॱनाना दुक्‍पु दे ॱमीच्‍यीकी जीक्‍टाक्षे हो़तालाक।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 4:1

होदे स्‍याम्‍ने, ङी तेवी धेनी नाम्‍खे श्‍यीङखामदु घो च्‍यीक पेरी श्‍याकश्‍या, ङी थोजुङ। धेनी ङी एन्‍योकला घोरका दुङकेकगी केक च्‍योक्‍रेगी़ ङाला देरे सुजुङ, “दुरु याला स्‍योक धेनी दे स्‍याम्‍ने झ्‍युङघोये हीन्‍गीन दो़नक्‍या, ङी ख्‍यो़ला तो़न्‍दु।”

ॱङो़न्‍पा 4:5

धेनी होदे श्‍युक्‍ठी नाङने ॱलोक्‍मारगी, हो़क्‍या धाङ धीरडा धाङ डुककेगी डाक्‍या थो़न्‍दी होवालाक। धेनी होदे श्‍युक्‍ठीगी दोङदु मेगी क्‍युङ धी़न भारती धे हो़तालाक। होदेक्‍या नी, को़न्‍क्षोकगी थुक्‍ङी धी़न लाक।

ॱङो़न्‍पा 7:15

होझ्‍येरी “खुङक्‍या को़न्‍क्षोकगी श्‍युक्‍ठीगी दोङदु दुक, धेनी ङीन-छेन खोङबागी क्षो़खाङदु खोङगी श्‍याप्‍ची श्‍युवालाक। धेनी श्‍युक्‍ठीरु श्‍युक्‍कीनगी, राङ हो़जारु खुङक्‍याला क्‍योङ जेगीलाक।

ॱङो़न्‍पा 8:5

धेनी नाम्‍खे भाङछेनगी पो़फोरगो खेरती, क्षो़ठीगी मेगी पो़फोरगो कावालाक। धेनी साश्‍यीगी खाला तोरपालाक। धेनी होदुरु डुक्‍डा धाङ केडा धाङ ॱलोक्‍मार थो़न्‍बालाक धेनी सुङगु सोवालाक।

ॱङो़न्‍पा 8:7

नाम्‍खे भाङछेन धाङपोगी़ राङगी दुङक्षेनगो भी़वालाक धेनी होदुरु ठाक ॱरेरा सेरा धाङ मे साश्‍यीगी खाला भाप्‍पालाक। धेनी साश्‍यीगी दुबु सुमने च्‍यीक धाङ स्‍यीङदोङक्‍याई, दुबु सुमने च्‍यीक धाङ चा ॱङोम्‍पो घीरी मेगी छीक्‍पालाक।