ॱङो़न्‍पा 10:6 - ॱलोवा

⁶ धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 10:6 Iomraidhean Croise

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 12:12

होझ्‍येरी नाम्‍खे श्‍यीङखाम, धाङ होदुरु श्‍युक्‍कीन खेक्‍या घाटो झ्‍यी। हीना साश्‍यी धाङ ग्‍याछो दे, ॱङ्यावाली। घीझ्‍येरी ॱनाना राङगी धी़चो़ ङ्युङा हो़गीनगो स्‍येरी, धी़कगो खोङडो क्षे लारी, खीकीचारु माला हो हो़तालाक।”

ॱङो़न्‍पा 16:17

धेनी नाम्‍खे भाङछेन धी़न्‍बागी़ राङगी फोरागो, ॱलुङला पो़वालाक। धेनी क्षो़खाङगी श्‍युक्‍ठीने, सुङकेक क्षे च्‍यीकगी देरे सुवालाक, “धा जोक्‍सो।”

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:11

“होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”

ॱङो़न्‍पा 4:9

धेनी होदे सेम्‍चेनक्‍याई श्‍युक्‍ठीरु श्‍युक्‍वा जेगीन धाङ धी़ तेन्‍दु ॱनेया जेगीन, खोङबाला शीजे धाङ कुरती धाङ थुक्‍जे पुली घाङला,

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।