ॱङो़न्‍पा 1:20 - ॱलोवा

²⁰ धा ख्‍यी़ ङी लाक्‍पा ॱये स्‍योकला थोङगीन, कारमा धी़न धाङ सेरगी क्‍युङ धी़नगी साङवागो नी दे लाक, कारमा धी़नक्‍या क्षो़छोक धी़नगी भाङछेनक्‍या लाक धेनी क्‍युङ धी़नगो, क्षो़छोक धी़न्‍बोगो लाक।”

ॱङो़न्‍पा 1:20 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:16

खोङबागी क्षाक ॱयेला कारमा धी़न ॱनुम हो़तालाक धेनी खोङबागी श्‍यालने खा ॱङीगारा ॱनोवा हो़गीन, राल्‍डी च्‍यीक थो़न्‍बालाक। खोङबागी श्‍याल्‍दोङगो ङीङमोगी ङीमा च्‍योक्‍रे, स्‍यार हो़तालाक।

ॱङो़न्‍पा 1:4

ङा योहान्‍नाने, एशीयादु हो़गीन क्षो़छोक धी़नला, यीक दे पुलाहीन। धान्‍दा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन को़न्‍क्षोकने, धेनी खोङगी श्‍युक्‍ठी दोङदु हो़गीन थुक्‍ङी धी़न धाङ धेन्‍पागी पाङपो जेगीन स्‍यीम्‍पोक्‍याने, धाङपो सो़न्‍पो श्‍याङा जेजा धाङ जाम्‍बुलीङगी ग्‍यावुक्‍याई खाला वाङ जेगीन, खोङ येशु मास्‍यीकागी थोक्‍ने, थुक्‍जे धाङ श्‍यीदे खेक्‍याला थोप्‍पास्‍योक। होराङक्‍याला झाम्‍पा जेगीन धाङ राङगी कुठाकगी थोक्‍ने, होरी धीक्‍पाक्‍याने होराङला थारपा जेगीन

ॱङो़न्‍पा 17:5

धेनी मी़ टाल्‍ले खाला देरे साङवागी दो़न्‍दाक हो़गीन, देरे मीङ ढीक हो़तालाक, “ग्‍याजा क्षे बाबीलोन, साश्‍यीगी श्‍याङचोङमाक्‍या, धाङ आम्‍लोवा दो़नक्‍याई आमा।”

ॱङो़न्‍पा 17:7

धेनी होदे नाम्‍खे भाङछेनगी ङाला सुजुङ, “ख्‍यो़ घीझ्‍येरी ॱहाङसाले? होदे भोमो धाङ मोला खुरकीन गोवा धी़न धाङ राक्‍योक च्‍यु हो़गीन, होदे सेम्‍चेनगी साङवागो ङी ख्‍यो़ला स्‍येदु।

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।

ॱङो़न्‍पा 2:12

“धेनी पेरगामोनगी क्षो़छोकगी भाङछेनला देरे ढीक, “खा ॱङीगारा ॱनोवा झ्‍येजा राल्‍डी हो़गीन, खोङबागी दे काक्‍या सुङी।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।

ॱङो़न्‍पा 2:5

होझ्‍येरी ख्‍यो़ घाने ॱहाला माला ल्‍हीम्‍गीनगो, ख्‍यो़ घामोमा साम्‍लो तोङ धेनी राङगी धीक्‍पा पारी सेम ग्‍युरवा तोङ। धेनी एम्‍मा ख्‍यी़ घी झ्‍यीगीनगोराङ झ्‍यी। ख्‍यी़ देरे झ्‍येरी राङगी सेम ग्‍युरवा ॱमेताङना, ङा ख्‍यो़चारु हुङाहीन धेनी ख्‍यी़ क्‍युङगोला होदेगी घोक्‍जाने तो़न्‍येहीन।

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।