ॱङो़न्‍पा 1:2 - ॱलोवा

² धेनी योहान्‍नागी को़न्‍क्षोकगी का धाङ येशु मास्‍यीकागी पाङपो झ्‍येरी, राङगी थोथा घीरीला धेन्‍पाङ झ्‍येवालाक।

ॱङो़न्‍पा 1:2 Iomraidhean Croise

योहान्‍ना 1:32

योहान्‍नागी देरे धेन्‍पाङ झ्‍येवालाक, “ङी नाम्‍खाने थुक्‍ङीगो फुक्‍रो़न च्‍योक्‍रे भाप्‍ती, खोङबा खाला श्‍युक्‍कीनगो ज्‍याजुङ।

योहान्‍ना 12:17

येशुगी लाजारला धी़ठोने भो़री छीवाने सो़न्‍पो जेदी घाङला, खोङबामुला हो़गीन मीछोकगी खोङबागी कोरला पाङपो तेरजीङ झ्‍येवालाक।

योहान्‍ना 19:35

होदे थोथा मीगी़ दी कोरला, पाङपो झ्‍येवालाक धेनी खी़ पाङपोगो धेन्‍पा लाक। धेनी मी दे खोरी स्‍येगीनगो धेन्‍पा लाक ॱनेरी, खोला स्‍येये हो़तालाक।

योहान्‍ना 21:24

दो़न देक्‍याला पाङपो झ्‍यीगीन धाङ यीक देक्‍या ढीक्‍कीन ङेनेगो खो राङ लाक। धेनी खी़ पाङपो झ्‍यीगीनगो धेन्‍पा लाक ॱनेरी हेक्‍याला स्‍येयेहो़क।

योहान्‍ना 3:11

ङा ख्‍यो़ला धेन्‍पा धेनक्‍याङ ॱनाहीन, हीकी घी स्‍येगीनगो हेक्‍या ॱनालाक धेनी हीकी घी थोङगीनगो, हेक्‍या पाङपो झ्‍यीदालाक हीना खेक्‍या हीकी धेन्‍पाङला खेमेलेन्‍दालाक।

जेपा 22:15

घीझ्‍येरी ॱनाना खोङबागी छीला खेराङगी थोङगीन धाङ ङेन्‍गीनगी पाङपो झ्‍युरी, मी घीरीला स्‍येगीन ख्‍यो़ झ्‍युङगीलाक।

जेपा 26:16

धा लोङ, ङा ख्‍यो़ला ङी श्‍यापच्‍यीपा धाङ ङी पाङपो तेरकीन, मी शोयेला दुरु होवाहीन। ख्‍यो़ ङी कोरला धान्‍दा थोथा धाङ माउपारला थोङगीन लाबक्‍या घीरीला स्‍येघोगीलाक।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

१ कोरीन्‍थुपा 1:6

धेनी दे राङगी खेक्‍याला मास्‍यीकागी कोरला, हीकी स्‍येगीनगो धेन्‍पा लाक ॱनेरी, थाक चेदालाक।

१ कोरीन्‍थुपा 2:1

पी़नक्‍याओ, ङा खेक्‍याचारु हुङाराङ, को़न्‍क्षोकगी साङवागो ॱमीच्‍यीकी लाब खेवाक्‍या धाङ स्‍येरापगी गोने, सेटाक झ्‍येरी मायो।

१ योहान्‍ना 1:1

थोक्‍माने हो़गीन धाङ हीकी घोर ङ्युङगीन धाङ हीकी ॱमीकगी थोङ ङ्युङगीन धाङ हीकी तेदेयागो धाङ हीकी लाक्‍पी जु ङ्युङगीन, छेसोकगी कागी कोरला हेक्‍या सेटाक झ्‍यीदाहीन।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

३ योहान्‍ना 1:12

देमेतीरीहुगी कोरला, मी घीरीगी लाब घा ताङी धेनी धेन्‍पागीयाः देला पाङपो झ्‍यीदीक। हेक्‍याः पाङपो तेराहीन धेनी हीकी पाङपो धेन्‍पा लाक ॱनेरी, ख्‍यी़ स्‍येलालाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:19

होझ्‍येरी ख्‍यी़ थोथा धाङ धान्‍दा हो़गीन धाङ माउपारला झ्‍युङये हीन्‍गीनगो ढीक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 12:17

धेनी होदे डुकगो होदे भोमोमुला खोङडो लावालाक धेनी मी़ टुवा श्‍येम्‍माक्‍यामुला टाप्‍तु सोवालाक। याङना को़न्‍क्षोकगी का ॱरुङगीनक्‍या धाङ येशुगी पाङपो झ्‍यीगीनक्‍यामुला टाप्‍तु सोवालाक।

ॱङो़न्‍पा 20:4

धेनी ङी श्‍युक्‍ठीक्‍या धाङ ठीम्‍चो़ जेयेला आङजा थोप्‍था, होदे श्‍युक्‍ठी खाला श्‍युक्‍कीनक्‍या थोजुङ। धेनी येशुला धेन्‍पाङ झ्‍येजा धाङ को़न्‍क्षोकगी कागी दो़न्‍दु, गोवा चेचाक्‍याई सेम्‍ङीक्‍या ङी थोजुङ। खुङक्‍याई होदे सेम्‍चेन धाङ होदेगी कुला क्षाक्‍क्षो़पा ॱमापुवालाक धेनी होदेगी ताक टाल्‍ले याङना लाक्‍पाला माग्‍याप्‍पालाक। खुङक्‍या सो़न्‍पो झ्‍युवालाक धेनी मास्‍यीकामुला, खुङक्‍याई लो च्‍यीकतोङ थुक्‍पे वाङग्‍युर झ्‍येवालाक।

ॱङो़न्‍पा 22:21

चोवो येशुगी थुक्‍जे, मी घीरीमुला ॱनेवास्‍योक। आमेन।

ॱङो़न्‍पा 6:9

धेनी लुक्‍टुगी थेचे ॱङावागो स्‍यीयाराङ, क्षो़ठीगी होकदु को़न्‍क्षोकगी का धाङ खोङला धेन्‍पाङ झ्‍येजागी क्षीला सेसा, मीक्‍याई सेम्‍ङीक्‍या ङी थोजुङ।