ॱङो़न्‍पा 1:18 - ॱलोवा

¹⁸ ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 1:18 Iomraidhean Croise

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मेथा 16:19

ङा ख्‍यो़ला नाम्‍खे ग्‍यासीगी धीमीकक्‍या तेरयेहीन धेनी ख्‍यी़ साश्‍यीदु घी धाम्‍गीनगो नाम्‍खे श्‍यीङखामदु धाम्‍गीलाक धेनी ख्‍यी़ साश्‍यीदु घी टोगीनगो नाम्‍खे श्‍यीङखामदु टोगीलाक।”

लुका 24:5

धेनी खुङक्‍या जीक्‍ती साला घुक झ्‍येरी धेबालाक। धेनी होदे मी ॱङीउगी खुङक्‍याला ॱनेवालाक, “खेक्‍या स्‍यीम्‍बुगी खोकला सो़न्‍पोगोला घीझ्‍येरी चालाले?

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

रोमापा 6:9

घीझ्‍येरी ॱनाना मास्‍यीका छीवाने कुसो़न्‍पो श्‍याङस्‍या झ्‍येरी, खोङ धाब्‍ले नामा ढोङा मेजेगीलाक धेनी देने ॱहाला छीवागी वाङ खोङ खाला मेतालाक ॱनेरी, होराङ स्‍येलालाक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

कोलोसेपा 3:3

घीझ्‍येरी ॱनाना खेक्‍या स्‍यीवालाक धेनी खीकी छे नी, मास्‍यीकामुला को़न्‍क्षोकगी नाङ बे हो़तालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 7:16

घीझ्‍येरी ॱनाना मी दे क्षो़ठीमगी काला च्‍योक्‍रे ग्‍युपाला तेन्‍दी मेन्‍दा, हीना मेताला डोये मेगीन छेगी नी़थुला तेन्‍दी क्षो़पो़न झ्‍युवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ॱङो़न्‍पा 10:6

धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 15:7

धेनी होदे सेम्‍चेन श्‍यीउने च्‍यीकगी धी़ तेन्‍दु ॱनेगीन को़न्‍क्षोक, खोङबागी थुक्‍ठो़गी खाङखा सेरगी फोरा धी़नगो, होदे नाम्‍खे भाङछेन धी़नला ॱनावालाक।

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।

ॱङो़न्‍पा 20:13

ग्‍याछोगी राङगी नाङला हो़गीन, स्‍यीम्‍पोक्‍या धाङ छीवा धाङ स्‍यीम्‍पोक्‍या धेसागी, राङगी नाङला हो़गीन स्‍यीम्‍पोक्‍या तेरपालाक धेनी होदे रे-रेला राङ-राङगी झ्‍येजा लेगाला तेन्‍ती ठीम्‍चो़ झ्‍युवालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।

ॱङो़न्‍पा 4:9

धेनी होदे सेम्‍चेनक्‍याई श्‍युक्‍ठीरु श्‍युक्‍वा जेगीन धाङ धी़ तेन्‍दु ॱनेया जेगीन, खोङबाला शीजे धाङ कुरती धाङ थुक्‍जे पुली घाङला,

ॱङो़न्‍पा 5:14

धेनी होदे सेम्‍चेन श्‍यीगारागी “आमेन” ॱनेवालाक। धेनी होदे ॱलोपो़नक्‍याई, ॱली़ साला दाप्‍ती क्षाक छावालाक।

ॱङो़न्‍पा 6:8

ङी तेवी धेनी होदुरु ता सेउ च्‍यीक थोजुङ। होदे खाला श्‍यो़न्‍गीनगी मीङगो “छीवा” दुक धेनी स्‍यीम्‍पोक्‍या धेसागो, होदेगी स्‍याम-स्‍याम्‍ला डावालाक। धेनी खुङक्‍याला राल्‍डी धाङ मुगे धाङ घो़ने धाङ जीक्‍तेनगी चेनशेनगी गोने, सेदु च्‍युक्‍येला जीक्‍तेनगी दुबु श्‍यीने च्‍यीकगी खाला आङ तेर हो़तालाक।

ॱङो़न्‍पा 9:1

धेनी नाम्‍खे भाङछेन ॱङावागी़, राङगी दुङक्षेनगो भी़वालाक धेनी ङी नाम्‍खाने साला ल्‍हीम्‍ला, कारमा च्‍यीक थोजुङ। होदेला थी मेगीन, दोङ-दोङगी धीमीकगो ॱनावालाक।