ॱङो़न्‍पा 1:16 - ॱलोवा

¹⁶ खोङबागी क्षाक ॱयेला कारमा धी़न ॱनुम हो़तालाक धेनी खोङबागी श्‍यालने खा ॱङीगारा ॱनोवा हो़गीन, राल्‍डी च्‍यीक थो़न्‍बालाक। खोङबागी श्‍याल्‍दोङगो ङीङमोगी ङीमा च्‍योक्‍रे, स्‍यार हो़तालाक।

ॱङो़न्‍पा 1:16 Iomraidhean Croise

मेथा 17:2

धेनी खुङक्‍याई दोङदु, येशुगी कुयीप ग्‍युरपालाक। खोङबागी श्‍याल ङीमागी हो़ च्‍योक्‍रे स्‍यारपालाक धेनी खोङबागी नाशा हो़ च्‍योक्‍रे काउला ग्‍युरपालाक।

जेपा 26:13

ग्‍यावु ला, होदे ङीङमो ङा लाम्‍गाला डी़ घाङला, ङीमागी हो़ने साला हो़क च्‍यीक ॱनामने ङा धाङ ङी रोवाक्‍या खाला स्‍यारजुङ।

एफीसुपा 6:17

धेनी गोवाला थारपे च्‍याकश्‍या घो़न धेनी को़न्‍क्षोकगी का हीन्‍गीन धाम्‍पे थुक्‍ङीगी राल्‍डी खुर।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।

ॱङो़न्‍पा 1:20

धा ख्‍यी़ ङी लाक्‍पा ॱये स्‍योकला थोङगीन, कारमा धी़न धाङ सेरगी क्‍युङ धी़नगी साङवागो नी दे लाक, कारमा धी़नक्‍या क्षो़छोक धी़नगी भाङछेनक्‍या लाक धेनी क्‍युङ धी़नगो, क्षो़छोक धी़न्‍बोगो लाक।”

ॱङो़न्‍पा 10:1

धेनी ङी नाम्‍खे श्‍यीङखामने श्‍येम्‍मा आङक्षे नाम्‍खे भाङछेन च्‍यीक, भाप्‍ती फेप्‍कीनगो थोजुङ। खोङ नी, ॱरीङबागी तुम्‍दा धाङ खोङगी उला जा हो़तालाक। धेनी खोङगी श्‍यालगो ङीमा च्‍योक्‍रे, धाङ श्‍यापक्‍या नी मेगी कावा च्‍योक्‍रे हो़तालाक।

ॱङो़न्‍पा 12:1

नाम्‍खे श्‍यीङखामदु ॱहाङसागीन ताक च्‍यीक, ङी थोजुङ। भोमो च्‍यीक ली़ला ङीमा घो़न्‍गा धाङ काङबी होकला दावा धाङ गोवाला कारमा च्‍युङङीगी चो़पेन घो़न्‍गा च्‍यीक दुक।

ॱङो़न्‍पा 19:15

मीरीकक्‍याला ग्‍याप्‍येगी क्षीला, खोङबागी श्‍यालने राल्‍डी ॱनोवा च्‍यीक थो़न्‍दी धेनी खोङबागी च्‍याकगी भेक्‍योकगी थोक्‍ने, खुङक्‍या खाला वाङग्‍युर जेगीलाक। धेनी घुन्‍क्षाङ चीरसा श्‍योङ नाङने खोवा तो़न्‍गीन च्‍योक्‍रे, खोङबागी कुवाङ को़न्‍क्षोकगी थुक्‍ठो़गी नाङ खुङक्‍याला चीरकीलाक।

ॱङो़न्‍पा 19:21

धेनी ल्‍हाक्‍मा ल्‍हाक्‍लाक्‍याला, ताला छीप्‍कीनगी श्‍यालने थो़न्‍दा राल्‍डीगी सेपालाक। धेनी झ्‍या घीरीगी होदेक्‍याई स्‍याक्‍या डागीन थुक्‍पे शेवालाक।

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।

ॱङो़न्‍पा 2:12

“धेनी पेरगामोनगी क्षो़छोकगी भाङछेनला देरे ढीक, “खा ॱङीगारा ॱनोवा झ्‍येजा राल्‍डी हो़गीन, खोङबागी दे काक्‍या सुङी।

ॱङो़न्‍पा 2:16

होझ्‍येरी धीक्‍पा पारी सेम ग्‍युरवा तोङ। याङमेना ङा खीकीचारु ग्‍योक्‍जे हुङयेहीन धेनी ङी खागी राल्‍डीगी खुङक्‍यामुला टाप्‍येहीन।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।