फीलीप्‍पीपा 4:8 - ॱलोवा

⁸ थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

फीलीप्‍पीपा 4:8 Iomraidhean Croise

मेथा 22:16

धेनी खुङक्‍याई खोरी ङेनेक्‍या, हेरोदेगी मीक्‍यामुला येशुचारु झावालाक। धेनी खुङक्‍याई श्‍यी़वालाक, “गेन्‍ला, हेक्‍याला स्‍येयेहो़क। खेराङ नी, ढाङपो धाङ को़न्‍क्षोकगी लाम ढाङपो तो़न्‍दी। धेनी खेराङ मीगी ङो तेरी क्षाक्‍ले मेजेगीन झ्‍येरी, खेराङ मी श्‍येम्‍मागी साम्‍लोला या मेजेदालाक।

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

लुका 16:15

खोङबागी होदेक्‍याला सुवालाक, “मीक्‍याई दोङदु राङला ढाङपो तो़न्‍गीनगो, खेराङक्‍याराङ लाक हीना को़न्‍क्षोकगी खीकी सेम खेन्‍दालाक। मीक्‍याई दोङदु थोवा चीगीनगो, को़न्‍क्षोकगी शीक्‍ताङला आम्‍लोवा हुङालाक।”

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 23:50

धा होदुरु युदेयागी आरीमाथीया ॱनागीन ग्‍याजागी, योसेफ ॱनागीन मी शाङा ढाङपो च्‍यीक हो़तालाक। धेनी खो छोक्‍दी़गी छोक्‍मी च्‍यीक लाक धेनी खो खुङक्‍याई डो़ धाङ लेगाला ॱमाछाम्‍बालाक। खो को़न्‍क्षोकगी ग्‍यासीला रेवा झ्‍येरी धेहेतालाक।

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 22:12

“धेनी होदे ग्‍याजारु आनानीया ॱनागीन मी च्‍यीक धेदालाक। खो क्षो़ठीमला चीगीन मी ढाङपो धाङ होदुरु धेगीन याहुदापाक्‍या घीरीगी चीगीन मी च्‍यीक लाक।

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

रोमापा 13:3

घीझ्‍येरी ॱनाना श्‍युङगी पो़न्‍पोक्‍याई शाङपो झ्‍यीगीनक्‍याला मेन्‍दा, हीना ङेन्‍पा झ्‍यीगीनक्‍याला जीक्‍टा कुलालाक। धा ख्‍यो़ पो़न्‍पोक्‍याई जीक्‍टा होकला धेदो़ मेते? हुरे हीन्‍ना शाङा हीन्‍गीनगो झ्‍यी धेनी ख्‍यो़ला खुङक्‍याने तो़टा थोप्‍कीलाक।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 13:7

खेक्‍याई लेगा ङेन्‍पा घीया मीझ्‍यीदास्‍योक ॱनेरी, हेक्‍या को़न्‍क्षोकला ॱमो़लाम श्‍यी़हो़क। दे नी हेक्‍या छो़ताने थारथा च्‍योक्‍रे, थोङयेगी क्षीदु मालाक हीना हेक्‍या छो़ताला ॱमेथारकीनगो थोङनाः, खेक्‍याई शाङा घी हीन्‍गीनगो झ्‍यीदास्‍योक ॱनेरी लाक।

२ कोरीन्‍थुपा 6:8

धेनी शीजे धाङ ॱमेबेप धेनी ॱमेटा धाङ तो़टागी थोक्‍ने तो़न्‍दाहीन। हेक्‍याला ॱली़टे च्‍योक्‍रे चीवालाक हीनाः हेक्‍या ढाङपो हो़क।

२ कोरीन्‍थुपा 8:18

धेनी ताम्‍शाङ स्‍येयेला क्षो़छोक घीरीला ॱमीच्‍यीकी केटाक्‍क्षे हो़गीन पी़नगोवाः खी़मुला झाङाहीन।

२ कोरीन्‍थुपा 8:21

घीझ्‍येरी ॱनाना चोवोगी ॱमीक्‍वादु च्‍यीगा मेन्‍दा हीना मीक्‍याई दोङदुवाः, हेक्‍या शाङा घी हीन्‍गीनगो झ्‍यीयेगी ॱमीक्‍यु श्‍याईहो़क।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

एफीसुपा 6:14

होझ्‍येरी तेन्‍पो ॱनेयेला, खेरी केपाला धेन्‍पागी केराक रे धेनी ढाङतेनगी ढाङठाप घो़न।

फीलीप्‍पीपा 3:1

ङी पी़नक्‍याओ, चोवोगी नाङ घाटो झ्‍यी। खेक्‍याला च्‍योई लाब दे धाब्‍ले ढीक्‍येला, ङा ॱना ॱमीसी़न्‍दा। धेनी दे खेक्‍याई ॱरुङक्‍योपगी क्षीला लाक।

कोलोसेपा 4:5

घुकाप घी थोप्‍ना भेचो़ शाङपो झ्‍येरी, मास्‍यीकावा मेन्‍गीनक्‍यामुला च्‍याङजे झ्‍येरी च्‍यो़पा झ्‍यी।

१ थेसालोनीकेपा 4:12

देरे झ्‍यीना धेपा मीझ्‍यीगीनक्‍याई, खेरी मीछे केताङला घुस्‍याप झ्‍यीगीलाक धेनी खेक्‍या मी श्‍येम्‍माला रे मेघो़गीलाक।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:4

खो राङगी टुवाक्‍याला घीरीने यारापगी थोक्‍ने, खाला ङेन्‍पो शो़री राङगी नाङमीला घामोमा क्‍योङ घोगीलाक।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

१ तीमोथेउ 5:2

धाङ घेमोक्‍याला आमाक्‍या च्‍योक्‍रे धेनी नाच्‍युङमाक्‍याला नुमोक्‍या च्‍योक्‍रे, सेम चाङमागी गोने चो़पा झ्‍यी।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 2:2

मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

ईब्‍रीपा 11:2

घीझ्‍येरी ॱनाना धेपागी गोनेराङ, धाङबी मीक्‍याला को़न्‍क्षोकगी थुक्‍ङेउ जेपालाक।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 3:1

चेवेक्‍याओ, दे नी ङी खेक्‍याला ढीक्‍टा यीक ॱङीवागो लाक। धेनी दे यीक ॱङीगारा, ङी खेक्‍याला सेम ढाङपो केरु च्‍युक्‍येला, ढेन्‍सो़ ॱलाङयेगी क्षीदु ढीक्‍पालाक।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।