फीलीप्‍पीपा 4:5 - ॱलोवा

⁵ खीकी च्‍यो़पा ॱङ्यामच्‍युङ हो़गीनगो, मी घीरीला स्‍येरु च्‍युक। चोवो फेप्‍ये हीन्‍गीनगो ङ्येदुक।

फीलीप्‍पीपा 4:5 Iomraidhean Croise

मेथा 6:25

“होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:34

होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

१ कोरीन्‍थुपा 6:7

खेक्‍या च्‍यीकगी च्‍यीकला खाम्‍जु ग्‍याप्‍कीन, देराङ खेक्‍या फाम्‍गीन लाक। हुरे झ्‍यीये ले खेक्‍या घीझ्‍येरी ॱङ्याप्‍चो़ मीघुरये? घीझ्‍येरी गोकोर ताङदु ॱमीच्‍युक्‍ये?

१ कोरीन्‍थुपा 8:13

होझ्‍येरी शामागी ङी पी़नला धीक्‍पा झ्‍यीदु च्‍युक्‍ना, ङा खोला धीक्‍पे नाङ छी़दु ॱमीच्‍युक्‍येगी क्षीदु नामा स्‍या मेशा।

१ कोरीन्‍थुपा 9:25

चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ थेसालोनीकेपा 2:2

चोवोगी ङीमा ॱलेप्‍दुक ॱनेरी ॱनागीन ॱङो़नस्‍ये धाङ ताम धाङ हीकी स्‍योकने हीन्‍ढु ॱनेरी, यीक रे हुङना, लेल्‍हामोमाला खेक्‍याई सेम ठुक्‍ती माजीक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 10:37

घीझ्‍येरी ॱनाना तीते च्‍यीकने, “फेप्‍ये हीन्‍गीनगो फेप्‍कीलाक। धेनी खोङगी धाला जेगीमालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।

ॱङो़न्‍पा 22:7

येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”