फीलीप्‍पीपा 3:8 - ॱलोवा

⁸ देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

फीलीप्‍पीपा 3:8 Iomraidhean Croise

लुका 1:43

हीना ङी चोवोगी युम ङीचारु फेप्‍कीन, देरे काटीन ङाला घाङगी झ्‍येरी झ्‍युवाले?

लुका 11:20

हीना ङा को़न्‍क्षोकगी थोक्‍ने डे तो़न्‍दी हो़ना, को़न्‍क्षोकगी ग्‍यासी खेक्‍याचारु ॱलेप्‍सालाक।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 14:7

खेक्‍याई ङाला ङोस्‍ये हो़ना, ङी यापलाः ङो स्‍येयेहो़क। धा देने ॱहाला, खेक्‍याई खोङबाला ङो स्‍येलालाक धेनी खोङला ज्‍या हो़तालाक।”

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 20:13

खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

रोमापा 8:18

ङी साम्‍बाला धान्‍दागी दुङाक्‍या माउपारगी धी़ला, होराङला ॱङो़न्‍ये हीन्‍गीन शीजेमुला दुरना घीया मालाक।

१ कोरीन्‍थुपा 2:2

घीझ्‍येरी ॱनाना ङा खीकीमुला हो़ताराङ, येशु मास्‍यीका धाङ खोङगी ग्‍याङस्‍यीङगी लाब माना, श्‍येम्‍मा घीरी ढेन्‍बा ज्‍येयेला ङी थाक चेवी।

१ कोरीन्‍थुपा 9:10

खोङबागी दे होराङक्‍याई क्षीदुराङ सुङा माले? दे नी होराङक्‍याई क्षीदुराङ सुवालाक घीझ्‍येरी ॱनाना श्‍यीङ ॱङोगीन धाङ ॱङीमा च्‍याक्‍कीनगी लोदोकगी कादा थोप्‍येगी रेवा झ्‍येरी, लेगा झ्‍यी घोलालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

फीलीप्‍पीपा 3:12

ङी दे घीरी एन्‍दुरु थोप्‍साहो़क याङना ङा याङदाक्‍पा झ्‍युसाहो़क ॱनेरी, ॱनामेन हीना दो़न घीन्‍गी क्षीला मास्‍यीकागी ङाला शीमा जेपाले, होदे शीम्‍येला राङ ङा काल्‍ले ग्‍याप्‍ती डी़हो़क।

फीलीप्‍पीपा 3:7

हीना ङी क्षीदु फेन थोक्‍वा घाजो़ हो़गीन घीरी, मास्‍यीकागी दो़न्‍दु दे घीरी ग्‍योङ हीन्‍गीन, ङी चीवी।

२ तीमोथेउ 4:6

ङा नी सेरकेम पुयेला, पु रेन्‍दी ङा दायेगी धी़ बाप्‍सादुक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

१ पेटो 2:7

होझ्‍येरी खे धेपा झ्‍यीगीनक्‍याई क्षीदु खोङ चाक्षे लाक हीना धेपा मीझ्‍यीगीनक्‍याई क्षीदु, “चीक्‍पो़नक्‍याई पाङपा धोगो, शुरधो झ्‍युदुक।”

२ पेटो 1:2

को़न्‍क्षोक धाङ होरी चोवो येशुगी स्‍येरापगी नाङ थुक्‍जे धाङ श्‍यीदे, खेक्‍याला मेछो़ली थोप्‍पास्‍योक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 1:8

घीझ्‍येरी ॱनाना दो़न देक्‍या खीकी नाङ हो़ना धेनी फेरी डोना, खेक्‍या होरी चोवो येशु मास्‍यीकागी स्‍येयो़नला फेन मेगीन धाङ ढेबु मेगीन झ्‍युङयेने, देक्‍याई क्‍योप्‍कीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।