फीलीप्‍पीपा 3:10 - ॱलोवा

¹⁰ ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

फीलीप्‍पीपा 3:10 Iomraidhean Croise

मेथा 20:23

खोङबागी खुङक्‍याला सुवालाक, “ङी फोराने खेक्‍याई थुङगीलाक हीना ङी ॱये धाङ ॱयो़नला धेतु च्‍युक्‍कीनगी आङजा ङाला मेक। होदे नी ङी यापगी सी़ क्षीला स्‍यामदुक होदेगी क्षीलाराङ लाक।”

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

रोमापा 8:36

दी कोरला सुङरापला देरे ढीक हो़तालाक, “खेराङगी क्षीदु हेक्‍या श्‍याक्‍मो ढाङी, स्‍यीयेगी ङेन्‍काला हो़तालाक। हेक्‍याला स्‍याक्‍ये हीन्‍गीन लुकक्‍या च्‍योक्‍रे चीलालाक।”

२ कोरीन्‍थुपा 1:10

खोङबागी हेक्‍याला हुरे जीक्‍टाक्षे ङेन्‍काने क्‍योप जेजुङ धेनी खोङगी हेक्‍याला याङ क्‍योप जेगीलाक, धेनी माउपारलाः खोङबागी हेक्‍याला क्‍योप जेगीलाक ॱनेरी हेक्‍याला रेवा हो़क।

२ कोरीन्‍थुपा 1:5

घीझ्‍येरी ॱनाना होराङ मास्‍यीकागी दुक्‍ङेलला घाजो़ माङा थेदुई, होदेरेराङ झ्‍येरी मास्‍यीकागी थोक्‍ने, को़न्‍क्षोकगी होराङला सेम्‍सो मेछो़ली ॱनाङगीलाक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 6:17

ङी शुला येशुगी ॱमागी ताकक्‍या हो़गीन झ्‍येरी, धा देने ॱहाला सी़या ङाला दुक्‍पु ॱमाताङास्‍योक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

२ पेटो 1:13

ङा सो़न्‍पो हो़ती घाङला, खेक्‍याला दो़न देक्‍याई कोरला ढेन्‍सो़ ॱलारी शाप-शाप शोना ङा घागुलाक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।