फीलीप्‍पीपा 2:8 - ॱलोवा

⁸ धेनी मीगी स्‍यीकाला झ्‍युरी, राङला ॱङ्यामच्‍युङ जेदी, छीवा थुक्‍पे च्‍यीगा मेन्‍दा, ग्‍याङस्‍यीङगी छीवा थुक्‍पे, को़न्‍क्षोकगी काला ङेन।

फीलीप्‍पीपा 2:8 Iomraidhean Croise

मेथा 17:2

धेनी खुङक्‍याई दोङदु, येशुगी कुयीप ग्‍युरपालाक। खोङबागी श्‍याल ङीमागी हो़ च्‍योक्‍रे स्‍यारपालाक धेनी खोङबागी नाशा हो़ च्‍योक्‍रे काउला ग्‍युरपालाक।

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

मेथा 26:42

धेनी याङ थेङमा ॱङीवागोला खोङबा फेप्‍ती, सोवा दे धेप्‍पालाक, “ङी याप, दुक्‍ङेलगी फोरा दे, ङी ॱमाथुङगीन थुक्‍पे झ्‍युङये मेना, खेराङगी थुकोङ डुप्‍पास्‍योक।”

लुका 9:29

धेनी खोङबा सोवा धेबी घाङला, खोङबागी श्‍याल ग्‍युरपालाक धेनी खोङबागी नाशा ॱलोकख्‍युकगी हो़क च्‍योक्‍रे क्‍याथीङ झ्‍युवालाक।

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

जेपा 8:33

खोला ॱमेटा पाई घाङला, ठीम ढाङपो खोला ॱमाचेपालाक। खी़ ग्‍युपागी कोरला सी़ स्‍येये? घीझ्‍येरी ॱनाना खी़ ॱरोकगो दे जाम्‍बुलीङने खेरती सोवालाक।”

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 12:4

खेक्‍या धीक्‍पामुला थाप्‍पाराङ ठाक ॱली़ घोयेगी ॱनेछु थुक्‍पे, धोराङाः खेक्‍या ॱमालेप हो़तालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।