फीलीप्‍पीपा 2:3 - ॱलोवा

³ राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

फीलीप्‍पीपा 2:3 Iomraidhean Croise

लुका 18:14

धेनी येशुगी सुवालाक, “ङा खेक्‍याला ॱनाहीन, श्‍येम्‍मा मीगो मेन्‍दा, दे मी दे को़न्‍क्षोकगी डुङदु याङदाक्‍पा झ्‍युरी, खोरी नाङला लोक्‍पालाक। घीझ्‍येरी ॱनाना राङला थोवा शोगीनक्‍या, घीरी ॱमावा जेगीलाक धेनी राङला ॱमावा शोगीन घीरीला थोवा जेगीलाक।”

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

१ कोरीन्‍थुपा 3:3

खेक्‍या धान्‍दाः जीक्‍तेन्‍पा राङ दुक। घीझ्‍येरी ॱनाना खीकी खोक्‍दु ठादोक धाङ थाप्‍चो़ हो़नाः, खेक्‍या जीक्‍तेन्‍पा माले धेनी मी क्‍युमाक्‍या च्‍योक्‍रे चो़पा झ्‍यीदा माले?

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

गालातीयापा 5:15

हीना खेक्‍या सेम्‍चेन च्‍योक्‍रे च्‍यीकगी च्‍यीकला क्‍यो़न तारी दुक्‍पु तेरना, खेक्‍या खेराङक्‍यानेराङ मेताला डो माघोवास्‍योक ॱनेरी शाप-शाप झ्‍यी।

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

फीलीप्‍पीपा 2:14

हुदुक याङना चो़लीङ मीझ्‍यीदा लेगा घीरी झ्‍यी।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

कोलोसेपा 3:8

हीना धान्‍दा खेक्‍याई खोङडो धाङ स्‍येताङ धेनी ङेन्‍सेम धाङ ॱमेबेप धाङ खेरी खाने थो़न्‍गीन, छीक झ्‍योरा घीरी पोङ।

१ तीमोथेउ 6:4

खो ङागेलगी खारी घीया ॱमेस्‍येलालाक। खो फेन ॱमेथोक्‍कीन लाबला खा थाबालाक धेनी छीक-छीकला शीम्‍दी धुगा ताङयेगी दो़क्षाक श्‍यालाक। धेनी देरेक्‍याई राङ ठादोक धाङ चो़लीङ धाङ ॱमेबेप धाङ दोक्‍पा ङेन्‍पा साक्‍ये

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”