फीलीप्‍पीपा 2:16 - ॱलोवा

¹⁶ छेसोकगी काला तेन्‍पो झ्‍येरी, शीम्‍दी धो़क। धेनी ङा ॱहाला-छुला ग्‍युक्‍कीन धाङ काल्‍ले ग्‍याप्‍कीनगो दो़न्‍मेदु ॱमासोजुङ, ॱनेरी ङा मास्‍यीकागी ङीमाला ङोम्‍सो झ्‍यीये राक्‍कीलाक।

फीलीप्‍पीपा 2:16 Iomraidhean Croise

मेथा 10:27

ङी खेक्‍याला मी़नाक्‍पाला ॱनागीनगो, हो़ नाङदु स्‍यो़क धेनी खाबा खीकी आमच्‍योकला ङेन्‍गीनगो, खाङबागी थोक्‍ने सेटाक झ्‍यी।

लुका 12:8

“ङा खेक्‍याला ॱनाहीन, मीक्‍याई दोङदु ङाला खेलेन्‍गीनक्‍याला मी-भुगीयाः, नाम्‍खे भाङछेनक्‍याई दोङदु खे लेन्‍गीलाक।

योहान्‍ना 6:63

छे ॱनाङगीनगो थुक्‍ङी लाक, ली़ने फेन्‍थोक घीया मेतालाक। ङी ॱनागीन कागो थुक्‍ङी धाङ छे हीन।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

१ कोरीन्‍थुपा 9:26

होझ्‍येरी ङा ॱमीक्‍यु मेश्‍या भाङ ॱमेताङ हो़क। धेनी ॱलुङबुला जोक्‍री श्‍युरकीन च्‍योक्‍रे, ङा मीश्‍युरहो़क।

२ कोरीन्‍थुपा 1:14

धेनी खेक्‍याई हीकी कोरला तीते च्‍यीक ॱहाघोरसागीन झ्‍येरी, धा हीकी कोरला घीरी ॱहाघोरास्‍योक ॱनेरी, ङी रेवा हो़क। धेनी चोवो येशु याङ फेप्‍ये हीन्‍गीन ङीमाला, हेक्‍याई खीकी क्षीला ङोम्‍सो झ्‍यीगीन च्‍योक्‍रे, खेक्‍यागीयाः हीकी क्षीला ङोम्‍सो झ्‍यी थुक्‍कीलाक।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

गालातीयापा 4:11

ङी खेक्‍याई क्षीला काल्‍ले झ्‍यीगीनगो, दो़न मेगीन झ्‍युवा हीन्‍ढु ॱनेरी ङाला दुङा हुङी।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 1:6

धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।

१ योहान्‍ना 1:1

थोक्‍माने हो़गीन धाङ हीकी घोर ङ्युङगीन धाङ हीकी ॱमीकगी थोङ ङ्युङगीन धाङ हीकी तेदेयागो धाङ हीकी लाक्‍पी जु ङ्युङगीन, छेसोकगी कागी कोरला हेक्‍या सेटाक झ्‍यीदाहीन।

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।