फीलीप्‍पीपा 2:13 - ॱलोवा

¹³ घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

फीलीप्‍पीपा 2:13 Iomraidhean Croise

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 6:45

‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

योहान्‍ना 6:65

धेनी खोङबागी सुवालाक, “होझ्‍येरी ‘यापगी ॱमानाङ हो़ना, ङीचारु सुवा हुङ ॱमीथुक्‍कीलाक’ ॱनेरी ङी खेक्‍याला ॱनेवाहीन।”

जेपा 11:21

चोवोगी वाङ खुङक्‍यामुला झ्‍युरी, मी ॱमीच्‍यीकी माङागी धेपा झ्‍येरी चोवो स्‍योकला ग्‍युरपालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 9:11

धेनी टु छीब्‍रु दे ॱङीउ ॱमाके एन्‍लाराङ धेनी शाङा-ङेन्‍पा घीया माझ्‍ये एन्‍ला, को़न्‍क्षोकगी राङगी थुकोङला तेन्‍दी रेबीकाला देरे सुवालाक, “भीजा क्षेगी च्‍युङाला श्‍याप्‍ची श्‍युगीलाक।” दी दो़न नी, खोङगी दामा जेगीनगो लेने मेन्‍दा हीना राङगी भो़ जेगीनला तेन्‍दी डुप्‍येगी क्षीदु लाक।

रोमापा 9:16

होझ्‍येरी दे नी मीगी दो़पा याङना थापस्‍यीला रा मीली़दा, हीना ॱङीङजे जेगीन को़न्‍क्षोकला रा ली़दालाक।

१ कोरीन्‍थुपा 12:6

धेनी लेगाक्‍या ॱना माङा हो़तालाक हीना घीरीला राङ-राङगी लेगा झ्‍यीयेगी नी़पा ॱनाङगीनगो, को़न्‍क्षोक च्‍यीकराङ लाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

२ कोरीन्‍थुपा 3:5

हीकी लेगा घारे च्‍यीक झ्‍येहो़ना, होदे राङगी जो़न्‍दाङने हीन ॱनेरी मेसाम्‍हो़क हीना हीकी जो़न्‍दाङ नी, को़न्‍क्षोकने झ्‍युङालाक।

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।