फीलीप्‍पीपा 2:11 - ॱलोवा

¹¹ धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

फीलीप्‍पीपा 2:11 Iomraidhean Croise

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

योहान्‍ना 12:42

देरे झ्‍येरीया याहुदापा पो़न्‍रीक नाङने माङागी, येशुला धेपा झ्‍येवालाक। हीना खुङक्‍याला याहुदापे छोक्‍खाङने पी़टु ॱनेरी, फारुसीपाक्‍याला जीक्‍ती खेलेन माझ्‍येवालाक।

योहान्‍ना 13:13

खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

योहान्‍ना 13:14

ङा खेक्‍याई ॱलोपो़न धाङ चोवो झ्‍युरीया, खेक्‍याई काङबा ठी़हो़ना, खेक्‍याः च्‍यीकगी काङबा च्‍यीकगी ठी़घो़।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 9:22

खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

रोमापा 14:11

घीझ्‍येरी ॱनाना सुङरापला देरे ढीक हो़तालाक, “चोवो सुङालाक, ‘ङा सो़न्‍पो ॱनेगीन च्‍योक्‍रे, पी़मु हो़ले ङी दोङदु चुक्‍कीलाक, धेनी च्‍येमो हो़लेगी को़न्‍क्षोकगी तो़पा पुगीलाक।’”

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ कोरीन्‍थुपा 15:47

धाङपो मीगो थालागी को़का साश्‍यीने लाक। धेनी ॱङीवागो नाम्‍खे श्‍यीङखामने लाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 4:2

येशु मास्‍यीका कुली़ला फेप्‍पालाक ॱनेरी, खेलेन झ्‍यीगीन सेम्‍ङी घीरी को़न्‍क्षोकने लाक। दी गोने को़न्‍क्षोकगी थुक्‍ङी खेक्‍याई ङो स्‍येलालाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

ॱङो़न्‍पा 3:5

धेनी सु ग्‍याली, होदेगोला ङा खुङक्‍याला च्‍योक्‍रे घो़ काउ को़न्‍येहीन। धेनी खी़ मीङगो ङा छेसोकगी धेबने सुप्‍येमेन। धेनी ङा खी़ मीङ, ङी याप धाङ खोङबागी भाङछेनक्‍याई डुङदु खेलेन झ्‍यीयेहीन।