मारकु 9:43 - ॱलोवा

⁴³ धेनी ख्‍यी़ लाक्‍पागी ख्‍यो़ला धीक्‍पा झ्‍यीदु च्‍युक्‍ना, होदे लाक्‍पागो च्‍यो़। ख्‍यी़ लाक्‍पा ॱङीगारा खेरती, ॱङ्यावादु नामा ॱमीस्‍यीगीन मेला डोयेने ल्‍हाक लाक्‍दुम झ्‍युरी थामेपे छेसोक नाङदु जुना घा लाक।

मारकु 9:43 Iomraidhean Croise

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 3:12

खोङबागी क्षाकला ठोमा ॱनुम्‍दुक धेनी खोङबागी होरा चाङमा जेगीलाक धेनी डोक्‍या दुरी, डुखाङला श्‍याक जेगीलाक हीना फुप्‍माक्‍या नामा ॱमीस्‍यीगीन, मेगी ॱराक जेगीलाक।”

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मारकु 9:44

[ॱङ्यावादु बु ॱमीक्षीयालाक धेनी मेया ॱमीस्‍यीयालाक।]

लुका 14:13

हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 14:21

धेनी ॱयोक्‍पोगो होरी खोरी दाक्‍पोला दे लाब घीरी स्‍येपालाक। धेनी खाङबी दाक्‍पोगो श्‍येताङ लारी, खोरी ॱयोक्‍पोला ॱनेवालाक, ‘ग्‍याजागी लाम्‍गाक्‍या धाङ ॱराङगाकक्‍याला ग्‍योक्‍जे सोङ, धेनी उटेक्‍या धाङ लाक्‍पा काङबा मेगीनक्‍या धाङ श्‍याराक्‍या धाङ श्‍याक्‍योवाक्‍याला दुरु नाङदु ठीक्‍ती स्‍योक।’

लुका 3:17

खोङबागी क्षाकला ढो धाङ चा पेगीन लोमागो हो़तालाक। धेनी दे ढोक्‍या पेरी डुखाङदु श्‍याक्‍कीलाक हीना फुक्‍माक्‍या, फुक्‍की ॱमीस्‍यीगीन मेला ॱराक्‍कीलाक।”

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

१ कोरीन्‍थुपा 9:27

हीना मी श्‍येम्‍माक्‍याला ताम्‍शाङ स्‍येछारती, ङा ङाराङगी ज्‍यागागो मेस्‍योरयेगी क्षीदु, ङा ङारी ली़ला छो़ शीम्‍दी, वाङ होकदु धी़लीहो़क।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।