मारकु 9:25 - ॱलोवा

²⁵ येशुगी मीछोकक्‍या रुप्‍ती, खोराङचारु हुङगीनगो शीई घाङला, खोङबागी डे गोला काको़न ॱनावालाक, “ये, लाब ताङ ॱमीथुप्‍कीन धाङ ङेन ॱमीथुप्‍कीन डे ख्‍यो़, खोने थो़न धेनी याङ खी़ नाङदु फुक्‍की माजु, ॱनेरी ङा ख्‍यो़ला का तेराहीन।”

मारकु 9:25 Iomraidhean Croise

मेथा 12:22

धा डेगी शीम्‍सा ॱमीक ॱमेथोङगीन धाङ लाब ताङ ॱमीथुप्‍कीन मी च्‍यीक, येशुगी दोङदु ठीक्‍ती होवालाक। धेनी खोङबागी खोला ढाक्‍सो ॱनारी, खो लाब ताङ थुप्‍कीन धाङ थोङगीन झ्‍युवालाक।

मेथा 17:18

धेनी येशुगी होदेला काको़न जेपालाक धेनी खी़ नाङने डेगो थो़न्‍दी, भीजागो लाम्‍साङ चो़गा झ्‍युवालाक।

मारकु 9:15

धेनी मीछोकक्‍याई येशुला ज्‍यालुङ मेताला, खुङक्‍या ॱमीच्‍यीकी ॱहालेरी, खोङबाचारु भाङ तारी होवालाक धेनी खोङबाला फेप्‍सु श्‍यी़वालाक।

मारकु 9:24

लाम्‍साङ आकीगी़ केक ग्‍याप्‍ती ॱनेवालाक, “ङा धेपा झ्‍यीदीहो़क, हीना ङी धेपा क्‍योवा दुक। ङाला धेपा झ्‍यीयेला रोवा जेरोनाङ।”

मारकु 9:26

धेनी डेगु फेरा ग्‍याप्‍ती, भीजागोला साला ॱमीच्‍यीकी आ धाप्‍ती होदेने थो़न्‍बालाक। भीजागो रो च्‍योक्‍रेला ग्‍युरती, मी माङक्षेगी खो स्‍यीजुङ ॱनेवालाक।

लुका 11:14

धा येशुगी डे कुक्‍पा च्‍यीकला तो़न जेपालाक। धेनी डेगो थो़न्‍दी, होदे लाब ताङ ॱमाथुक्‍पा धेता मीगो लाब ताङ थुप्‍कीन झ्‍युवालाक। धेनी मीमाङक्‍या ॱहाङसावालाक।

लुका 4:35

धेनी येशुगी होदेला काको़न जेदी सुवालाक, “खाबा धो़क धेनी खी़ नाङने थो़न।” धेनी मी घीरीगी दोङदु होदे ॱनो़पागी मीगोला साला धाप्‍ती, ॱनो़ घीया ॱमाक्‍यावा थो़न्‍दी सोवालाक।

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।

लुका 8:29

घीझ्‍येरी ॱनाना खोङबागी डे गोला, होदे मीने थो़न्‍दी डोयेला का ॱनाङा जेपालाक। खोला थेङमा ॱमीच्‍यीकी माङा डे देगी शीम हो़तालाक। खोला च्‍याक्‍थाक धाङ च्‍याक्‍डोकगी दाम्‍दी, ॱरुरी श्‍याक हो़तालाक हीना खी़ होदेक्‍या च्‍याक्‍ती धेनी डेगी़, खोला रीतोङ स्‍योकला ठीक्‍ती डोवालाक।

लुका 9:42

खो हुङी घाङला ॱनो़पागी़ खोला साला धाप्‍पालाक धेनी दाम्‍बालाक। हीना येशुगी होदे ॱनो़पाला काको़न जेपालाक धेनी टुगोला चो़गा जेदी खोरी आकीला ची ग्‍याप जेपालाक।

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।