मारकु 9:20 - ॱलोवा

²⁰ खुङक्‍याई भीजागोला ठीक्‍ती होवालाक। धेनी खोङबाला ज्‍यालुङ मेताला, डेगी़ भीजागोला साला धाप्‍पालाक धेनी खी़ खाने बोवा थो़न्‍दी डेलोक ग्‍याप्‍पालाक।

मारकु 9:20 Iomraidhean Croise

मारकु 1:26

धेनी होदे ॱनो़पागी खोला ॱहाला-छुला ॱरुक्‍ती, ॱमीच्‍यीकी फेरा ग्‍याप्‍ती खोने थो़न्‍दी सोवालाक।

मारकु 9:18

डेगी खोला शीम्‍यी घाङला, नाम्‍हीना खोला साला धावी धेनी खी़ खाने बोवा तो़न्‍दी, सोक्‍या ढीक्‍यी धेनी खी़ शु घीरी धामी। होझ्‍येरी ङी खेराङगी ङेनेक्‍याला, डे दे तो़न्‍रो झ्‍यी ॱनेरी श्‍युवी, हीना खुङक्‍याई तो़न थुक्‍कु मीदुक।”

मारकु 9:19

धेनी येशुगी खुङक्‍याला सुवालाक, “धेपा मेगीन मीरापक्‍याओ, ङा खेक्‍यामुला नाम थुक्‍पे धेये? खेक्‍याला नाम थुक्‍पे शो़पा झ्‍यीये? भीजा दे ङीचारु ठीक्‍ती स्‍योक।”

मारकु 9:21

धेनी येशुगी आकीगोला ढीवा ताङा जेपालाक, “देरे झ्‍युरी घाजो़ डी़ओ?” धेनी आकीगी़ ॱनेवालाक, “खो च्‍यीमेने ॱहालाराङ देरे झ्‍युजुङ।

मारकु 9:26

धेनी डेगु फेरा ग्‍याप्‍ती, भीजागोला साला ॱमीच्‍यीकी आ धाप्‍ती होदेने थो़न्‍बालाक। भीजागो रो च्‍योक्‍रेला ग्‍युरती, मी माङक्षेगी खो स्‍यीजुङ ॱनेवालाक।

लुका 4:35

धेनी येशुगी होदेला काको़न जेदी सुवालाक, “खाबा धो़क धेनी खी़ नाङने थो़न।” धेनी मी घीरीगी दोङदु होदे ॱनो़पागी मीगोला साला धाप्‍ती, ॱनो़ घीया ॱमाक्‍यावा थो़न्‍दी सोवालाक।

लुका 8:29

घीझ्‍येरी ॱनाना खोङबागी डे गोला, होदे मीने थो़न्‍दी डोयेला का ॱनाङा जेपालाक। खोला थेङमा ॱमीच्‍यीकी माङा डे देगी शीम हो़तालाक। खोला च्‍याक्‍थाक धाङ च्‍याक्‍डोकगी दाम्‍दी, ॱरुरी श्‍याक हो़तालाक हीना खी़ होदेक्‍या च्‍याक्‍ती धेनी डेगी़, खोला रीतोङ स्‍योकला ठीक्‍ती डोवालाक।

लुका 9:39

ॱनो़पा च्‍यीकगी खोला शीम्‍दी, खो ॱहाताक्‍पाला फेरा ग्‍यावी धेनी साला ग्‍येरी खाने बोवा थो़न्‍दी। धेनी खोला रा रुई ॱमाता थुक्‍पे खोने थो़न्‍दी मेडोवा।

लुका 9:42

खो हुङी घाङला ॱनो़पागी़ खोला साला धाप्‍पालाक धेनी दाम्‍बालाक। हीना येशुगी होदे ॱनो़पाला काको़न जेपालाक धेनी टुगोला चो़गा जेदी खोरी आकीला ची ग्‍याप जेपालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।