मारकु 9:12 - ॱलोवा

¹² धेनी येशुगी खुङक्‍याला सुवालाक, “एलीया एन्‍ला फेप्‍ती, घीरी साबा शोगीलाक। धा ॱहाना मी-भुगी दुक्‍पु माङा ङ्याङ घो़गुलाक, धेनी घीरीगी ॱमीचीगीलाक ॱनेरी, सुङरापला घाङगी झ्‍येरी ढीक्‍दो?

मारकु 9:12 Iomraidhean Croise

मेथा 16:21

होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

मारकु 10:33

“तो़दाङ, होराङक्‍या धा येरुसालेमला डोवालाक धेनी मी-भु नी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, लाक्‍पाला ची ग्‍याप्‍कीलाक धेनी खुङक्‍याई खोला से घो़गीलाक ॱनेरी, ठीम चेदी याहुदापा मेन्‍गीन मीरीकक्‍याई लाक्‍पारु ची ग्‍याप्‍कीलाक।

मारकु 9:13

हीना ङा खेक्‍याला ॱनाहीन, एलीया होसालाक धेनी खी़ कोरला ढीक्‍टीया च्‍योक्‍रे, खुङक्‍याई घी थेगीनगो खोला झ्‍येवालाक।”

मारकु 9:31

घीझ्‍येरी ॱनाना खोङबागी ङेनेक्‍याला देरे सुरी, क्षो़ तो़न जेदी हो़तालाक, “मी-भु नी मीक्‍याई लाक्‍पाला ची ग्‍याप्‍कीलाक धेनी खुङक्‍याई खोला सेगीलाक। धेनी खोला सेती श्‍याक्‍मु सुमगी स्‍याम्‍ला, खो छीवाने सो़न्‍गीलाक।”

लुका 1:76

“धेनी ङी भु ख्‍यो़ ॱलानामेपे को़न्‍क्षोकगी ॱङो़नस्‍येखेन ॱनेरी भो़गीलाक, घीझ्‍येरी ॱनाना ख्‍यो़ चोवोगी फेप लाम डाढीक झ्‍यीये, धाङ खोङबागी मीक्‍याला खुङक्‍याई धीक्‍पा सेल्‍दी, होदे थोक्‍ने थारपागी स्‍येराप ॱनाङयेला, ख्‍यो़ चोवो फेप्‍ये एन्‍ला डुगीलाक।

लुका 23:11

धेनी हेरोदे धाङ ॱमाक्‍मीक्‍याई, खोङबाला ॱमेटा पाप्‍ती क्षाले ग्‍याप्‍पालाक। धेनी खोङबाला घो़ खाक्‍क्षे च्‍यीक को़न्‍दी, पीलातुचारु ॱलोक्‍ती झावालाक।

लुका 23:39

धेनी ग्‍याङस्‍यीङला ताक्‍ता झ्‍याक्‍पा ॱङीउने, झ्‍याक्‍पा च्‍यीकगी खोङबाला ॱमेटा पाप्‍ती ॱनेवालाक, “ख्‍यो़ मास्‍यीकागो माले? ख्‍यो़राङ धाङ हेक्‍याला क्‍योप!”

जेपा 1:6

होझ्‍येरी जोमी घाङला, होदे दाम्‍दा कुछापक्‍याई खोङबाला ढीवालाक, “चोवो, खेराङगी धान्‍दाराङ ईस्‍राएलगी ग्‍याखापला धाब्‍ले सो़ जेये हीन्‍ने?”

जेपा 4:11

सुङरापला दे लाब दे खोङबागी कोरला राङ ढीक हो़तालाक, ‘खे चीक्‍पा चीक्‍कीनक्‍याई ॱयुक्‍ती श्‍याक्‍सा धोगोङगो, धान्‍दा शुरधोगो झ्‍युदुक।’