मारकु 9:1 - ॱलोवा

¹ धेनी येशुगी खुङक्‍याला सुवालाक, “दुरु लाङगीनक्‍याने रीङगागी को़न्‍क्षोकगी ग्‍यासी वाङला फेप्‍कीनगो माज्‍यागीन थुक्‍पे, स्‍यीगीमालाक ॱनेरी, ङा धेन्‍पाराङ ॱनाहीन।”

मारकु 9:1 Iomraidhean Croise

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मारकु 13:26

धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

मारकु 13:30

ॱङोन्‍नेराङ ङा खेक्‍याला ॱनाहीन, दे घीरी माडुप्‍कीन थुक्‍पे दे मीराप दे जोक्‍कीमालाक।

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

लुका 22:18

घीझ्‍येरी ॱनाना ङा खेक्‍याला ॱनाहीन, को़न्‍क्षोकगी ग्‍यासी मेयोङगीन थुक्‍पे, धीरीङने ॱहाला ङा घुन्‍डुमगी खोवा थुङये मेन।”

लुका 22:30

धेनी खेक्‍या ङी ग्‍यासीदु ङीमुला शा-थुङ झ्‍यीगीलाक धेनी श्‍युक्‍ठीक्‍याला धेदी ईस्‍राएलगी ग्‍युपा च्‍युङङीगी खाला ठीम झ्‍यीगीलाक।”

लुका 9:27

हीना ङा खेक्‍याला धेन्‍पाराङ ॱनाहीन, दुरु लाङगीनक्‍याने मी रीङगागी को़न्‍क्षोकगी ग्‍यासी ॱमाथोवा छीवागी ढोवा लेन्‍गीमालाक।”

योहान्‍ना 21:23

होझ्‍येरी ङेने दे स्‍यीगीमालाक ॱनेरी पी़नक्‍याई नाङला ख्‍याप्‍पालाक। हीना येशुगी खो स्‍यीगुमालाक सुरी ॱमासुवालाक हीना, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो?” सुरी सुवालाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।