मारकु 8:6 - ॱलोवा

⁶ येशुगी मीक्‍याला साला धेये का ॱनावालाक। धेनी खोङबागी ग्‍याङगा धी़नगो क्षाकला ॱनुम्‍दी, काटीन क्षे श्‍यी़री च्‍या जेपालाक। धेनी मीमाङक्‍याला टाम्‍येला, खोङबागी ङेनेक्‍याला ॱनावालाक धेनी ङेनेक्‍याई होदेरेराङ झ्‍येवालाक।

मारकु 8:6 Iomraidhean Croise

मेथा 26:26

धा खुङक्‍या शी घाङला येशुगी ग्‍याङगा क्षाकला ॱनुम्‍दी, ॱमो़लाम श्‍यी़री चाक जेपालाक धेनी ङेनेक्‍याला तेरती सुवालाक, “दे ङी ली़ हीन। लेन्‍दी शो।”

मारकु 8:20

“धेनी मी श्‍यीतोङगी क्षीला ग्‍याङगा धी़न च्‍याई घाङला, खेक्‍याई दुबु धुरी बाक्‍ता घाजो़ खाजो?” धेनी खुङक्‍याई, “धी़न” ॱनेरी ॱनेवालाक।

मारकु 8:5

धेनी येशुगी खुङक्‍याला, “ग्‍याङगा घाजो़ हेतो।” सुरी ढीला जेपालाक। धेनी ङेनेक्‍याई, “धी़न हो़क।” ॱनेरी लेन श्‍यी़वालाक।

मारकु 8:7

खुङक्‍याला ङ्या च्‍युङा तीते रे हो़तालाक धेनी येशुगी होदेला झ्‍यीलाप जेदी, होदेगोवाः मीमाङक्‍याला टोम सुरी ङेनेक्‍याला सुवालाक।

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

योहान्‍ना 2:5

खोङबागी युमगी ॱयोक्‍पोक्‍याला, “खोङबागी घी सुङगीनगो झ्‍यी।” ॱनेरी ॱनेवालाक।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

रोमापा 14:6

ङीमा च्‍यीकला ॱमीक्‍सेगी खाक्‍क्षे चीगीनगी़ चोवोगी क्षीदु चीलालाक। धेनी शागीनगी चोवोगी क्षीदु शालाक घीझ्‍येरी ॱनाना खी़ को़न्‍क्षोकला काटीन्‍क्षे श्‍युवालाक। धेनी मेशागीनगी़ चोवोगी क्षीदु मेशालाक धेनी खी़ को़न्‍क्षोकला काटीन्‍क्षे श्‍युवालाक।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।