मारकु 8:38 - ॱलोवा

³⁸ दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

मारकु 8:38 Iomraidhean Croise

मेथा 12:39

हीना खोङबागी सुवालाक, “ङेन्‍पा धाङ लोक्‍येम मीरापगी ताक चालालाक हीना खुङक्‍याला ॱङो़नस्‍येखेन योनागी ताक माना, श्‍येम्‍मा ताक घीया ॱमेतेरकीलाक।

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 16:4

ङेन्‍पा धाङ लोक्‍येमगी मीरापक्‍या ताक चालालाक हीना योनागी ताक माना, श्‍येम्‍मा घीया ॱमेतेरकीलाक।” धेनी खोङबा खुङक्‍याला भोरती, होदेने फेप्‍पालाक।

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 13:26

धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:37

याङमेना राङगी ॱरोक स्‍योरना, घीन्‍गीया होदे धाब्‍ले खेरती हुङ ॱमीथुक्‍कीलाक।

लुका 19:26

ग्‍यावुगी ॱनेवालाक, ‘ङा खेक्‍याला ॱनाहीन, हो़गीनला ॱयो़ल्‍ले माङा तेरकीलाक हीना मेगीनक्‍याने खोला हो़गीनगोवा खोने ठोक्‍कीलाक।

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 12:34

मीछोकगी श्‍यी़वालाक, “मास्‍यीकागो ग्‍युने ग्‍युन्‍दु ॱनेगीलाक ॱनेरी, हीकी क्षो़ठीमने घोरसोङ। मी-भु या फाक्‍कीलाक ॱनेरी खेराङगी घाङ झ्‍येरी सुङ थुक्‍वाले? मी-भु दे सुले?”

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

ईब्‍रीपा 11:16

हीना खुङक्‍या देने ल्‍हाक शाङा नाम्‍खे श्‍यीङखामगी यु च्‍योक्‍रे, च्‍यीकगी दो़पा झ्‍यीदालाक। होझ्‍येरी को़न्‍क्षोक खुङक्‍याई को़न्‍क्षोक हीन सुरी सुङयेला, ङोजा मेजेदालाक घीझ्‍येरी ॱनाना खोङबागी खुङक्‍याई क्षीला ग्‍याजा च्‍यीक डाढीक जे हो़तालाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

ईब्‍रीपा 13:13

धा होझ्‍येरी होराङक्‍या गारगी फीला डोउ धेनी खोङबागी ङ्याङङ्या ङोछागो होराङक्‍याः ङ्याङु।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।