मारकु 8:35 - ॱलोवा

³⁵ घीझ्‍येरी ॱनाना राङगी ॱरोक क्‍योप्‍कीनगी, ॱरोक स्‍योरकीलाक हीना राङगी ॱरोक, ङा धाङ ताम्‍शाङगी क्षीला स्‍योरतु च्‍युक्‍कीनगी ॱरोक क्‍योप्‍कीलाक।

मारकु 8:35 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 10:39

राङगी सोक क्‍योप्‍कीनगी़ होदे स्‍योरतु च्‍युक्‍कीलाक धेनी ङी दो़न्‍दु राङगी सोक स्‍योरती च्‍युक्‍कीनगी़, होदे क्‍योप्‍कीलाक।

मेथा 16:25

घीझ्‍येरी ॱनाना राङगी सोक क्‍योप्‍ङी दो़गीनगी़, होदे स्‍योरतु च्‍युक्‍कीलाक हीना राङगी सोक, ङी क्षीला स्‍योरतु च्‍युक्‍कीनगोला, होदे ॱङेगीलाक।

मेथा 19:29

धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मारकु 8:36

मी च्‍यीकला जीक्‍तेन घीरी थोप्‍नाः, राङगी ॱरोकगो स्‍योरना घी फेन थोक्‍ये?

लुका 17:33

राङगी ॱरोक क्‍योप्‍कीनगी़ होदे ॱलाक्‍कीलाक हीना राङगी ॱरोक ॱलाक्‍कीनगी़ होदे क्‍योप्‍कीलाक।

लुका 9:24

घीझ्‍येरी ॱनाना राङगी ॱरोक क्‍योप्‍कीनगी़ ॱरोक स्‍योरकीलाक हीना ङी दो़न्‍दु राङगी ॱरोक ॱलो़ ताङगीनगी़ ॱरोक क्‍योप्‍कीलाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

१ कोरीन्‍थुपा 9:23

मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

ईब्‍रीपा 11:35

भोमोक्‍याला राङगी नाङमी स्‍यीस्‍याक्‍या, छीवाने सो़न्‍पो झ्‍युरी थोप्‍पालाक। धेनी श्‍येम्‍माक्‍याई छीवाने ॱलार सो़न्‍दी, छे देने ल्‍हाक शाङा छे थोप्‍येगी क्षीदु, राङवाङगो खेमेलेन्‍दा दुक्‍पुगो ङ्याङवालाक।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”