मारकु 8:34 - ॱलोवा

³⁴ धेनी खोङबागी मीछोकक्‍याला, राङगी ङेनेक्‍यामुला भो़री सुवालाक, “ङी स्‍याबाला हुङी दो़ना, राङला पारे राङगी ग्‍याङस्‍यीङ खुरती ङी स्‍याबाला डोङ।

मारकु 8:34 Iomraidhean Croise

मेथा 10:38

धेनी राङगी ग्‍याङस्‍यीङ खेरती, ङी स्‍याबाला मेडागीनक्‍याला ङी ङेने झ्‍युङयेगी आङजा मेक।

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

मेथा 27:32

धेनी खुङक्‍या होदेने थो़न्‍दी घाङला, सीमोन ॱनागीन कुरेनेपागी मी च्‍यीक ठेपालाक। धेनी ॱमाक्‍मीक्‍याई खोला खोङबागी ग्‍याङस्‍यीङगो उजुक झ्‍येरी, खुरतु च्‍युक्‍पालाक।

मारकु 10:21

धेनी येशुगी खोला शीक्‍ती, खोला झाम्‍पा जेदी सुवालाक, “ख्‍यो़ला धोराङा च्‍यीक ॱमेछाङा। ख्‍यो़ सोरी राङला हो़गीन घीरी चोरी, उटेक्‍याला ज्‍यीम्‍बा तोङ धेनी को़न्‍क्षोकगी ग्‍यासीदु ख्‍यो़ला नोर थोप्‍कीलाक। धेनी होरे, ङी स्‍याबाला डो।”

मारकु 7:14

याङदा येशुगी मीछोकला खोङबाचारु भो़या जेदी सुवालाक, “खे घीरी ङाला ङेन धेनी ॱहाघोरा झ्‍यी,

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

लुका 14:33

देरेराङ झ्‍येरी राङला हो़गीन घीरी ॱमेपाङना, ख्‍यो़याः ङी ङेने झ्‍युङ थुक्‍कीमालाक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 20:45

धेनी मी घीरीगी ङेन्‍दी घाङला, येशुगी खोरी ङेनेक्‍याला सुवालाक,

लुका 9:23

धेनी खोङबागी खुङ घीरीला सुवालाक, “ङी स्‍याम्‍ला हुङङी दो़गीनक्‍या, राङला पारी राङगी ग्‍याङस्‍यीङ च्‍योई खुरती, ङी स्‍याम्‍बाला डा घोगीलाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 19:17

धेनी येशु फीला फेप्‍ती, राङगी ग्‍याङस्‍यीङ खुरती गोरी़गी री ॱनागीन साज्‍याला फेप्‍पालाक। ईब्‍रीपा केकला, “गोलगोथा” ॱनालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

१ कोरीन्‍थुपा 8:13

होझ्‍येरी शामागी ङी पी़नला धीक्‍पा झ्‍यीदु च्‍युक्‍ना, ङा खोला धीक्‍पे नाङ छी़दु ॱमीच्‍युक्‍येगी क्षीदु नामा स्‍या मेशा।

१ कोरीन्‍थुपा 9:19

ङा मी सी़याः होकदु मेनाः हीना मी माङागी सेम क्‍योप्‍येगी क्षीदु, ङा ङाराङ घीरीगी ॱयोक्‍पो झ्‍युहो़क।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

फीलीप्‍पीपा 3:7

हीना ङी क्षीदु फेन थोक्‍वा घाजो़ हो़गीन घीरी, मास्‍यीकागी दो़न्‍दु दे घीरी ग्‍योङ हीन्‍गीन, ङी चीवी।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

२ थेसालोनीकेपा 3:11

घीझ्‍येरी ॱनाना खेक्‍याने रीङगा लेगा मीझ्‍यीदा, श्‍येम्‍मागी लेगाला थेरु ग्‍युक्‍कीन लेमेलाम्‍गीन रे दुक ॱनेरी, हीकी घोजुङ।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

ईब्‍रीपा 13:13

धा होझ्‍येरी होराङक्‍या गारगी फीला डोउ धेनी खोङबागी ङ्याङङ्या ङोछागो होराङक्‍याः ङ्याङु।

१ पेटो 4:1

होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

२ पेटो 1:14

घीझ्‍येरी ॱनाना होरी चोवो येशु मास्‍यीकागी ङाला सावो तो़न जेगीन च्‍योक्‍रे, ङा स्‍यी रीन्‍जुङ ॱनेरी ङाला स्‍येयेहो़क।

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।