मारकु 7:9 - ॱलोवा

⁹ येशुगी खुङक्‍याला याङ सुवालाक, “खेक्‍या राङगी लुक्‍सो़ला ॱरुङक्‍योप झ्‍यीयेला, को़न्‍क्षोकगी काक्‍याला ङोलोक झ्‍यीयेगी लाम्‍गा घा च्‍यीक जोरदुक।

मारकु 7:9 Iomraidhean Croise

मारकु 7:13

दुक झ्‍येरी खेक्‍या खेरी चीरी होवा लुक्‍सो़ला, ॱरुङदी श्‍याक्‍ती को़न्‍क्षोकगी कागो मेताला ताङालाक। धेनी खेक्‍या देरे च्‍योक्‍रे लेगा श्‍येम्‍माक्‍या झ्‍यीदालाक।”

मारकु 7:3

धाङबी फामाक्‍याई लुक्‍सो़ला चीरी, फारुसीपाक्‍या धाङ याहुदापाक्‍या घीरी लाक्‍पा ठी़री माना शामा मेशालाक

मारकु 7:5

होझ्‍येरी फारुसीपा धाङ क्षो़ठीमगी ॱलोपो़नक्‍याई खोङबाला श्‍यी़वालाक, “खेराङगी ङेनेक्‍या धाङबी फामाक्‍याई लुक्‍सो़ ॱमीरुङा, लाक्‍पा ॱमीठुवा घीझ्‍येरी शाले?”

रोमापा 3:31

धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

गालातीयापा 1:14

हीकी मीक्‍या खोक्‍दु ङी लो डाडागी मीक्‍याने ल्‍हाक, याहुदापा क्षो़लुकला ङा एन्‍ला थारजुङ धेनी ङी फामे लुक्‍सो़क्‍याला ङा ॱमीच्‍यीकी स्‍युक्‍क्षे चीलीहो़क।

गालातीयापा 2:21

को़न्‍क्षोकगी थुक्‍जेला, ङा ङोग्‍येल मीझ्‍यी घीझ्‍येरी ॱनाना क्षो़ठीमगी थोक्‍ने ढाङपो ग्‍युरये हीन्‍ना, मास्‍यीका दो़न मेताला ढोवालाक।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।