मारकु 7:5 - ॱलोवा

⁵ होझ्‍येरी फारुसीपा धाङ क्षो़ठीमगी ॱलोपो़नक्‍याई खोङबाला श्‍यी़वालाक, “खेराङगी ङेनेक्‍या धाङबी फामाक्‍याई लुक्‍सो़ ॱमीरुङा, लाक्‍पा ॱमीठुवा घीझ्‍येरी शाले?”

मारकु 7:5 Iomraidhean Croise

मेथा 15:2

“खेराङगी ङेनेक्‍या घीझ्‍येरी धाङपो फामे लुक्‍सो़ला ॱमीचीला ले? घीझ्‍येरी ॱनाना खुङक्‍या शामा शाये एन्‍ला, लाक्‍पा ठुगीन ॱरोगो ॱमीरुङा।”

मारकु 7:13

दुक झ्‍येरी खेक्‍या खेरी चीरी होवा लुक्‍सो़ला, ॱरुङदी श्‍याक्‍ती को़न्‍क्षोकगी कागो मेताला ताङालाक। धेनी खेक्‍या देरे च्‍योक्‍रे लेगा श्‍येम्‍माक्‍या झ्‍यीदालाक।”

मारकु 7:8

“खेक्‍या को़न्‍क्षोकगी काला भोरती मीगी लुक्‍सो़गो ॱरुङालाक।”

मारकु 7:9

येशुगी खुङक्‍याला याङ सुवालाक, “खेक्‍या राङगी लुक्‍सो़ला ॱरुङक्‍योप झ्‍यीयेला, को़न्‍क्षोकगी काक्‍याला ङोलोक झ्‍यीयेगी लाम्‍गा घा च्‍यीक जोरदुक।

जेपा 21:21

धा, ‘मोशेगी क्षो़ठीमला ची घोगीमालाक धेनी टुवाक्‍याई पाउ चेगीन ॱरो झ्‍यी घोगीमालाक धेनी याहुदापागी ॱरोला ची घोगीमालाक’ ॱनेरी खेराङगी याहुदापा मेन्‍गीन मीक्‍या खोक्‍दु धेगीन याहुदापा घीरीला ॱलावी ॱनेरी खुङक्‍याई ॱहाघोरदुक।

जेपा 21:24

धेनी खेराङ खुङक्‍यामुला क्षो़खाङदु फेप धेनी खुङक्‍यामुला चाङमा शोगीन ॱरोगो जे। धेनी खुङक्‍या घीरीगी ॱरा चेगीनगी आलेगो ॱनाङाजे। देरे झ्‍येरी खेराङगी क्षो़ठीम चीगीनगो थोङना, मी घीरीगी खेराङगी कोरला ॱनेना लाबक्‍या शोक्‍पो लाक ॱनेरी ॱहाघोरकीलाक।

रोमापा 4:12

धेनी याङ आब्‍राहाम पाउ चेचाक्‍यागीयाः याप लाक हीना खुङक्‍याई धेपागो, होरी याप आब्‍राहामगी पाउ ॱमाचे एन्‍ला, हो़गीन धेपा च्‍योक्‍रे हुङघोवालाक।

गालातीयापा 1:14

हीकी मीक्‍या खोक्‍दु ङी लो डाडागी मीक्‍याने ल्‍हाक, याहुदापा क्षो़लुकला ङा एन्‍ला थारजुङ धेनी ङी फामे लुक्‍सो़क्‍याला ङा ॱमीच्‍यीकी स्‍युक्‍क्षे चीलीहो़क।

२ थेसालोनीकेपा 3:11

घीझ्‍येरी ॱनाना खेक्‍याने रीङगा लेगा मीझ्‍यीदा, श्‍येम्‍मागी लेगाला थेरु ग्‍युक्‍कीन लेमेलाम्‍गीन रे दुक ॱनेरी, हीकी घोजुङ।

२ थेसालोनीकेपा 3:6

पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।